ZOHO-வின் புதிய வேலைவாய்ப்பு.. மீண்டும் சென்னை நிறுவனத்துக்கு ஆட்சேர்ப்பு.. ரெடியா?

Updated: Sunday, July 28, 2024, 11:00 [IST]

Subscribe to Oneindia Tamil

சென்னை: தமிழ்நாட்டில் முன்னணி ஐடி நிறுவனமாக உள்ள ஜோஹோவில் புதிய வேலைவாய்ப்பு குறித்த அறிவிப்பு வெளியாகி உள்ளது. இந்த பணிக்கு தேர்வாகும் நபர்கள் சென்னையில் நியமனம் செய்யப்பட உள்ளனர்.

Zoho... தமிழகத்தில் பல்வேறு இடங்களில் செயல்பட்டு வருகிறது. இந்த நிறுவனத்தில் பணியாற்ற தற்போது பலரும் ஆர்வம் காட்டி வருகின்றனர். இந்நிலையில் தான் ஜோஹோவில் தொடர்ந்து பல்வேறு பணிகளுக்கு ஆட்கள் தேர்வு செய்யப்பட்டு வருகின்றனர். அந்த வகையில் தற்போது புதிய அறிவிப்பு என்பது வெளியாகி உள்ளது.

தமிழகத்தில் சென்னை, மதுரை, தென்காசி மாவட்டம் மத்தளம்பாறை உள்பட பல இடங்களில் ஜோஹோ செயல்பட்டு வரும் நிலையில் தற்போது சென்னை நிறுவனத்துக்கு ஆட்கள் தேர்வு செய்யப்பட உள்ளனர். அதன் விபரம் வருமாறு:

தற்போதைய அறிவிப்பின் படி ஜோஹோவில் கஸ்டமர் சக்சஸ் (Customer Success) பணிக்கு ஆட்கள் தேர்வு செய்யப்பட உள்ளனர். இந்த பணிக்கு விண்ணப்பம் செய்வோருக்கு ஆங்கிலத்தில் சரளமாக பேசவும், எழுதவும் தெரிந்திருக்க வண்டும். மேலும் அனலிட்டிக்கல் மற்றும் ப்ராப்ளம் சால்விங் திறமை இருக்க வேண்டும். இதுதவிர கஸ்டமர் சக்சஸ் பிரிவில் 2 முதல் 5 ஆண்டு வரை பணி அனுபவம் கொண்டிருக்க வேண்டும்.

இந்த பணிக்கு விண்ணப்பம் செய்வோர் தகுதி மற்றும் பணி அனுபவம் மற்றும் ஷார்ட்லிஸ்ட் செய்யப்படுவார்கள். இந்த ஷார்ட்லிஸ்ட் விண்ணப்பதாரர்களுக்கு அடுத்தக்கட்ட ரவுண்டுக்கான அழைப்பு என்பது விடுக்கப்படும். அதுபற்றிய விபரங்கள் இ-மெயில் அல்லது Call letter-ல் குறிப்பிடப்படும். அதனை விண்ணப்பதாரர்கள் ஃபாலே செய்ய வேண்டும்.

மேலும் பணிக்கான சம்பளம் குறித்த விபரம் தெரிவிக்கப்படவில்லை. இதுபற்றிய விபரங்கள் பணிக்கு தேர்வாகும்பட்சத்தில் ஜோஹோ நிறுவனத்தின் எச்ஆர் மூலம் தெரிவிக்கப்படும். இந்த சம்பளம் என்பது பணி அனுபவம் மற்றும் தகுதியின் அடிப்படையில் நிர்ணயம் செய்யப்படும். அதோடு பணிக்கு தேர்வாகும் நபர்கள் சென்னையில் பணியமர்த்தப்பட உள்ளதாக தெரிவிக்கப்பட்டுள்ளது.

தகுதி மற்றும் விருப்பம் உள்ளவர்கள் ஜோஹோவின் அதிகாரப்பூர்வ இணையதளம் சென்று உடனடியாக விண்ணப்பம் செய்யலாம். விண்ணப்பம் செய்வதற்கான கடைசி தேதி எதுவும் அறிவிப்பில் குறிப்பிடப்படவில்லை. இதனால் முடிந்தவரை சீக்கிரமாக விண்ணப்பம் செய்வது நல்லது.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here