நாளை இன்டர்வியூ.. எழுத்து தேர்வு இல்லை.. கோவை விவசாய பல்கலையில் அசத்தலான வேலைவாய்ப்பு!

கோவை: கோவையில் உள்ள தமிழ்நாடு விவசாய பல்கலைக்கழகத்தில் எழுத்து தேர்வின்றி நேர்க்காணல் முறையில் 3 பிரிவுகளுக்கான ஆட்சேர்ப்பு நடைபெற உள்ளது. எழுத்து தேர்வு இல்லாத இந்த பணிகளுக்கு நாளை நேர்க்காணல் நடைபெற உள்ளது. இந்த பணிகளுக்கு தேர்வாகும் நபர்களுக்கு மாத சம்பளமாக குறைந்தபட்சம் ரூ.18 ஆயிரம் முதல் அதிகபட்சமாக ரூ.56 ஆயிரம் வரை கிடைக்கும்.

கோவையில் தமிழ்நாடு விவசாய பல்கலைக்கழகம் (Tamil Nadu Agricultural University or TNAU) அமைந்துள்ளது. இந்த பல்கலைக்கழகத்தில் காலியாக உள்ள பணியிடங்களை நிரப்புவதற்கான அறிவிப்பு தற்போது வெளியாகி உள்ளது.

அதன்படி கோவையில் உள்ள தமிழ்நாடு விவசாய பல்கலைக்கழகத்தில் காலியாக உள்ள ப்ராஜெக்ட்ஸ் சயின்டிஸ்ட் - I, ப்ராஜெக்ட்ஸ் அசோசியேட்ஸ் - I, டெக்னீக்கல் அசிஸ்டென்ட் - I ஆகிய பணியிடங்கள் நிரப்பப்பட உள்ளது.

இதில் ப்ராஜெக்ட்ஸ் சயின்டிஸ்ட் - I பணிக்கு விண்ணப்பம் செய்வோர் பயோ இன்பமேட்டிக்ஸ்/பயோ டெக்னாலஜி படிப்பில் பிஎச்டி முடித்திருக்க வேண்டும். ப்ராஜெக்ட்ஸ் அசோசியேட்ஸ் - I பணிக்கு விண்ணப்பம் செய்வோர் பயோ இன்பர்மேட்டிக்ஸ், பயோ டெக்னாலஜி, பயோ கெமிஸ்ட்ரி, ஜியோ இன்பர்மேட்டிக்ஸ் உள்ளிட்ட படிப்புகளில் மாஸ்டர் டிகிரியையும், டெக்னீக்கல் அசிஸ்டென்ட் - I பணிக்கு டிப்ளமோ அக்ரிகல்சர் படிப்பையும் முடித்திருக்க வேண்டும்.

ப்ராஜெக்ட்ஸ் சயின்டிஸ்ட் - I பணிக்கு தேர்வாகும் நபர்களுக்கு மாதம் ரூ.56 ஆயிரம் சம்பளம் வழங்கப்படும். ப்ராஜெக்ட்ஸ் அசோசியேட்ஸ் - I பணிக்கு விண்ணப்பம் செய்வோருக்கு மாதம் ரூ.25 ஆயிரம் முதல் ரூ.31 ஆயிரம் வரை சம்பளம் வழங்கப்படும். டெக்னீக்கல் அசிஸ்டென்ட் - I பணிக்கு விண்ணப்பம் செய்வோர் ரூ.18 ஆயிரம் மாத சம்பளமாக வழங்கப்படும்.

தகுதி மற்றும் விருப்பம் உள்ளவர்கள் தங்களின் சுயவிபரங்களும், சான்றிதழ்களுடன் நேர்க்காணலில் நேரடியாக பங்கேற்கலாம். 7ம் தேதியான நாளை (வெள்ளிக்கிழமை) ப்ராஜெக்ட் சயின்டிஸ்ட் - I, ப்ராஜெக்ட் அசோசியேட்ஸ் - I பணிக்கான நேர்க்காணல் என்பது The Director (Centre for Plant Molecular Biology & Biotechnology) TNAU, Coimbatore என்ற இடத்தில் நேர்க்காணல் நடக்கிறது.

அதேபோல் வரும் 11ம் தேதியில் டெக்னீக்கல் அசிஸ்டென்ட் பணிக்கான நேர்க்காணல் The Director, Tamil Nadu Rice Research Institute, Aduthurai என் இடத்திலும் நடைபெற உள்ளது. நேர்க்காணலில் பங்கேற்க செல்வோர் அன்றைய தினம் 9 மணிக்கு முன்பாகவே செல்ல வேண்டும் என அதிகாரப்பூர்வ அறிவிப்பில் தெரிவிக்கப்பட்டுள்ளது.

தற்போதைய அறிவிப்பின்படி ப்ராஜெக்ட்ஸ் சயின்டிஸ்ட்-I, டெக்னீக்கல் அசிஸ்டென்ட் - I பணிக்கு தலா 2 பேர், ப்ராஜெக்ட்ஸ் அசோசியேட்ஸ் - I பணிக்கு ஒருவர் என மொத்தம் 5 பேர் தேர்வு செய்யப்பட உள்ளனர் என பணி தொடர்பான அதிகாரப்பூர்வ அறிவிப்பில் தெரிவிக்கப்பட்டுள்ளது.

பணி தொடர்பான அதிகாரப்பூர்வ அறிவிப்பை காண Click Here

English summary

Tamil Nadu Agricultural University, Coimbatore is going to conduct recruitment for 3 divisions through interview without written test. Candidates for these jobs will get a minimum monthly salary of Rs 18 thousand to a maximum of Rs 56 thousand.