அசத்தல்..மத்திய அரசு பல்கலை கழகத்தில் சூப்பர் வேலைவாய்ப்பு! கைநிறைய சம்பளம்.. விண்ணப்பிப்பது எப்படி?

Updated: Tuesday, February 4, 2025, 12:06 [IST]

Subscribe to Oneindia Tamil

திண்டுக்கல்: மத்திய அரசின் கட்டுப்பாட்டின் கீழ் உள்ள திண்டுக்கல் காந்திகிராம கிராமிய பல்கலைக் கழகத்தில் ஹோம் சயின்ஸ் துறையில் கவுரவ விரிவுரையாளர்/பகுதி நேர ஆசிரியர்கள் காலிப் பணியிடத்தை நிரப்புவதற்கான அறிவிப்பு வெளியாகி உள்ளது. அங்கீகரிக்கப்பட்ட பல்கலைக் கழகங்களில் பட்டம் பெற்ற பட்டதாரிகள் இந்த பணியிடத்திற்கு விண்ணப்பிக்கலாம் எனவும் அறிவிக்கப்பட்டுள்ளது.

கிராமப்புற வளர்ச்சிக்காகவும் காந்திய சிந்தனைகளை கற்பிப்பதற்கும் இந்தியாவில் உருவான முதல் பல்கலைக்கழகம், திண்டுக்கல் மாவட்டத்தில் உள்ள காந்தி கிராம கிராமிய நிகர்நிலைப் பல்கலைக்கழகம். இந்தப் பல்கலைக்கழகம் 1976-ம் ஆண்டிலிருந்து செயல்பட்டு வருகிறது.

70 பேராசிரியர்கள், 140 அலுவலக ஊழியர்கள், 4,000 மாணவர்கள் எனப் பிரமாண்டமாக மலை அடிவாரத்தில் உள்ளது. தற்போது மத்திய மனிதவள மேம்பாட்டு அமைச்சகத்தின் கீழ், நேரடி கல்வி நிறுவனமாக செயல்படும் இந்தப் பல்கலைக்கழகத்தில் இந்தியா முழுவதிலுமிருந்தும் மாணவர்கள் பயின்று வருகின்றனர்.

இங்கு பட்டம் பெற்று வெளியேறும் மாணவர்கள், உடனடி வேலைவாய்ப்பு பெற வேண்டும் என்ற நோக்கில், கடந்த சில ஆண்டுகளாக தொழிற்கல்விக்கு முக்கியத்துவம் அளிக்கப்பட்டு வருகிறது. மேலும், உயர்கல்வி பெற முடியாதவர்களுக்கு வேலைவாய்ப்பு அளிக்கும் வகையில், 3 மாதம் மற்றும் ஓராண்டு பட்டயப் படிப்பு, 2 ஆண்டு முதுகலை பட்டயப் படிப்பு என 36 வகையான தொழில் படிப்புகளும் கற்பிக்கப்படுகின்றன. இதுமட்டுமல்லாமல் வேளாண் சார்ந்த படிப்புகளுக்கும், சுகாதாரத்துறை சார்ந்த படிப்புகளுக்கும் முக்கியத்துவம் அளிக்கப்பட்டு வருகிறது.

இந்நிலையில் இந்த பல்கலைக் கழகத்தில் ஹோம் சயின்ஸ் காலியாக உள்ள கவுரவ விரிவுரையாளர்/பகுதி நேர ஆசிரியர்கள் காலிப் பணியிடத்தை நிரப்புவதற்கான அறிவிப்பு வெளியாகி உள்ளது.

பணியின் பெயர் : Guest/Part-Time Teacher - home science

விண்ணப்பிக்க கடைசி தேதி : 12.02.2025 Time: 11:00 A.M

தேர்வு செய்யப்படும் முறை : நேரடி நேர்முகத் தேர்வு

விண்ணப்பிக்கும் முறை: தகுதியானவர்கள் அதிகாரபூர்வ தளத்தில் விண்ணப்ப படிவம் பெற்று பூர்த்தி செய்து போதிய ஆவணங்களுடன் 12.02.2025ல் நடைபெறும் நேர்காணலில் கலந்து கொள்ள வேண்டும்.

கல்வித் தகுதி: விண்ணப்பதாரர்கள் அரசு அல்லது அரசு அங்கீகாரம் பெற்ற பல்கலைக்கழகத்தில் பிஎஸ்சி ஹோம் சயின்ஸ் முடித்திருக்க வேண்டும். ஃபேமிலி ரிசோர்ஸ் மேனேஜ்மென்ட், ஹியூமன் டெவலப்மென்ட், ஃபேமிலி அண்ட் கம்யூனிட்டி சயின்ஸ் படிப்பில் முதுநிலை பட்டத்தை 55 சதவீத மதிப்பெண்களுடன் பெற்று இருக்க வேண்டும். எஸ்சி, எஸ்டி, ஓபிசி மாணவர்கள் 50% மதிப்பெண்கள் பெற்று இருக்க வேண்டும். எம்.பில், பிஎச்டி, செட் ,நெட், ஸ்லெட், ஜேஆர்எஸ், ஜேஎஸ்ஆர்பி - நெட் கூடுதல் தகுதியாக எடுத்துக் கொள்ளப்படும். கற்பித்தல் மற்றும் ஆராய்ச்சி அனுபவம் கூடுதல் தகுதியாக கருத்தில் கொள்ளப்படும்.

ஊதிய விவரம்: பணிக்கு தேர்வு செய்யப்படும் விண்ணப்பதாரர்களுக்கு விதிகளின்படி ஊதியம் வழங்கப்படும்.

முகவரி : Centre For home science, indra gandhi block, The Gandhigram Rural Institute, Gandhigram - 624302, Dindigul, Tamil Nadu.

விண்ணப்பத்தை டவுன்லோடு செய்ய :- https://www.ruraluniv.ac.in/includes/cetc/careers/pdf/03022025_09.pdf

விண்ணப்பிக்க ஆர்வம் மற்றும் தகுதி உள்ளவர்கள் அதிகாரப்பூர்வ அறிவிப்பில் பரிந்துரை செய்யப்பட்ட வடிவில் தங்களது விண்ணப்பத்தை தயார் செய்து தேவையான அசல் சான்றிதழ்களின் நகலை இணைத்து அறிவிப்பில் குறிப்பிட்டுள்ள முகவரியில் நடைபெற உள்ள நேர்முகத் தேர்வுக்கு வரும்போது நேரில் கொண்டு வர வேண்டும்.