மத்திய அரசு நிறுவனத்தில் வேலை.. லட்சத்தில் சம்பளம்.. ஐடிஐ, டிப்ளமோ முடித்தவர்களுக்கு அருமையான சான்ஸ்

சென்னை: மத்திய அரசின் என்ஜினியர்ஸ் இந்தியா லிமிடெட் நிறுவனத்தில் காலியாக உள்ள பணியிடங்களை நிரப்ப அறிவிப்பு வெளியிடப்பட்டுள்ளது. ஐடிஐ, டிப்ளமோ முடித்தவர்கள் இந்த பணியிடங்களுக்கு விண்ணப்பிக்கலாம். இது குறித்த மேலும் விவரங்களை இங்கே பார்க்கலாம்.

மத்திய அரசின் பொதுத்துறை நிறுவனங்களில் ஒன்று என்ஜினியர்ஸ் இந்தியா லிமிடெட் (EIL ). நாட்டில் உள்ள ஹைட்ரோகார்பன் திட்டங்களுக்கு தொழில்நுட்பங்களை அளிக்கும் பணியை இந்த நிறுவனம் செய்து வருகிறது. டெல்லியை தலைமையிடமாக கொண்ட இந்த நிறுவனத்திற்கு மும்பை, கொல்கத்தா, சென்னை, வதோதரா உள்ளிட்ட இடங்களில் கிளைகள் உள்ளன. இந்த பொதுத்துறை நிறுவனத்தில் காலியாக உள்ள 17 ஜூனியர் வரைவாளர் ( Draftsman ) பணியிடங்களை நிரப்ப அறிவிப்பு வெளியாகியுள்ளது. இது குறித்த விவரங்களை இங்கே பார்க்கலாம்.

கல்வி தகுதி: ஐடிஐ, டிப்ளமோ முடித்தவர்கள் இந்த பணியிடங்களுக்கு விண்ணப்பிக்கலாம். எலக்ட்ரிக்கல், இன்ஸ்ட்ருமண்டேஷன், ஃபையர்ட் உபகரணங்கள், பைப்பிங் என 12 வகையான பிரிவுகளில் மொத்தம் 17 ஜூனியர் வரைவாளர் தேர்வு செய்ய அறிவிப்பு வெளியாகியிருக்கிறது. பணியிடத்திற்கு ஏற்ப ஐடிஐ, டிப்ளமோ பாடப்பிரிவு மாறுபடும். அனுபவமும் கேட்கப்பட்டுள்ளது. கல்வி தகுதி மற்றும் அனுபவம் குறித்த முழுமையான விவரங்களை கீழே கொடுக்கப்பட்டுள்ள தேர்வு அறிவிப்பில் தேர்வர்கள் தெரிந்து கொள்ளலாம்.

வயது வரம்பு: இந்த பணியிடங்களுக்கு விண்ணபிக்க விரும்புவர்களுக்கு 31.08.2024 தேதிப்படி 30 வயதுக்கு மிகாமல் இருக்க வேண்டும். அரசு விதிகளின்படி வயது உச்ச வரம்பில் தளர்வுகள் அளிக்கப்படுகிறது. எஸ்.சி/எஸ்.டி பிரிவினருக்கு 5 ஆண்டுகளும் ஒபிசி பிரிவினருக்கு 3 ஆண்டுகள் தளர்வுகள் உண்டு.

சம்பளம் எவ்வளவு?:
ஜூனியர் வைரைவாளர் கிரேடு III - ரூ.24,000- 90,000
கிரேடு II - ரூ.25,000 - 1,00,000/-
கிரேடு I - ரூ.26,500 - 1,15,000

தேர்வு முறை: தகுதியான விண்ணப்பங்கள் பரிசீலிக்கப்பட்டு திறன் தேர்வுக்கு அழைக்கப்படுவார்கள். ஆர்வம் உள்ள விண்ணப்பதாரர்கள் 25.09.2024-க்குள் https://recruitment.eil.co.in/ என்ற இணையதளம் வாயிலாக விண்ணப்பிக்கலாம்.

தேர்வு அறிவிப்பினை படிக்க: https://recruitment.eil.co.in/hrdnew/others/FINAL_ONLINE_detailed_advertisement_2024-25-02.pdf

English summary

Central Government Engineers India Limited has published a notification to fill the vacant posts. Candidates who have completed ITI and Diploma can apply for these posts. More details on this can be found here.