10ம் வகுப்பு முடித்திருந்தால் போதும்.. சென்னை கடலோர காவல் படையில் வேலை! உடனே விண்ணப்பியுங்கள்

சென்னை: சென்னை கடலோர காவல் படையில் டிரைவர், பல்நோக்கு பணியாளர்களுக்கான காலிப்பணியிடங்கள் இருப்பதாக அறிவிக்கப்பட்டுள்ளன. இப்பணிகளுக்கு விண்ணப்பிக்க 10ம் வகுப்பு படித்திருந்தால் போதுமானதாகும்.

சிவிலியன் மோட்டார் டிரான்ஸ்போர்ட் டிரைவர் பிரிவில் 4 இடங்கள் (பொது-2, ஒபிசி-1, பொருளாதார பிற்பட்டோர்-1) காலியாக இருக்கின்றன. இதற்கு விண்ணப்பிப்பவர்கள் 18 வயதிலிருந்து 27க்குள் இருக்க வேண்டும். 10ம் வகுப்பு தேர்ச்சியுடன் கனரக மற்றும் இலகுரக வாகன ஓட்டுநர் உரிமமும், மோட்டார் மெக்கானிசம் பிரிவில் அறிவுத் திறனும் பெற்றிருக்க வேண்டும். மேலும் 2 வருட பணி அனுபவம் பெற்றிருக்க வேண்டும். மேற்குறிப்பிட்ட தகுதி உள்ளவர்கள் இப்பணிகளுக்கு தாராளமாக விண்ணப்பிக்கலாம்.

அதேபோல ஷீட் மெட்டல் வொர்க்கர் பணிக்கு 1 காலியிடம் (ஒபிசி) இருப்பதாக அறிவிக்கப்பட்டுள்ளது. இதற்காக விண்ணப்பிப்பவர்கள் 18 வயதிலிருந்து 30 வயதிற்குள் இருக்க வேண்டும். மேலும் 10ம் வகுப்பு தேர்ச்சியுடன் சம்பந்தப்பட்ட டிரேடில் ஒரு வருட ஐடிஐ தேர்ச்சியும், பணி அனுபவமும் பெற்றிருக்க வேண்டும்.

அதேபோல மல்டி டாஸ்கிங் ஊழியர்களுக்கான காலிப்பணியிடங்களும் இருக்கின்றன. இதற்கு விண்ணப்பிப்பவர்கள் 18 வயதிலிருந்து 27 வயதுக்குள் இருக்க வேண்டும். மட்டுமல்லாது 10ம் வகுப்பு தேர்ச்சியுடன் மெக்கானிக்கல் வொர்க்ஷாப்பில் 2 வருட பணி அனுபவம் பெற்றிருக்க வேண்டும். அதேபோல Unskilled Labour பிரிவில் 2 காலி பணியிடங்கள் (பொது-1, எஸ்சி-1) இருப்பதாக அறிவிக்கப்பட்டுள்ளன. இதற்கு விண்ணப்பிப்பவர்கள் 18 வயதிலிருந்து 27 வயதுக்குள் இருக்க வேண்டும்.

10ம் வகுப்பு தேர்ச்சியுடன் ஐடிஐ தேர்ச்சியும், 3 வருட பணி அனுபவமும் பெற்றிருக்க வேண்டும். இந்த அனைத்து காலிப்பணியிடங்களுக்கு விண்ணப்பிப்வர்களுக்கு அதிகபட்ச வயது வரம்பில் எஸ்சி/எஸ்டியினருக்கு 5 ஆண்டு களும், ஒபிசியினருக்கு 3 ஆண்டுகளும் தளர்வு அளிக்கப்படும். தகுதியானவர்கள் எழுத்துத்தேர்வு, டிரேடு தேர்வு, நேர்முகத் தேர்வு மூலம் தேர்ந்தெடுக்கப்படுவர். நேர்முகத் தேர்வில் கலந்து கொள் ளும் எஸ்சி/எஸ்டி பிரிவினருக்கு 2ம் வகுப்பு ரயில் கட்டணம்/பஸ் கட்டணம் வழங்கப்படும்.

மாதிரி விண்ணப்பத்தை http://indian-coastguard.gov.in என்ற இணையதளத்திலிருந்து பதிவிறக்கம் செய்து, கம்ப்யூட்டரில் டைப் செய்து விவரங்களை பூர்த்தி செய்து தபாலில் The Commander, Coast Guard Region (East), Near Napier Bridge, Fort St., George (PO), CHENNAI- 600 009 எனும் முகவரிக்கு அனுப்ப வேண்டும். விண்ணப்பம் சென்றடைய வேண்டிய கடைசி நாள் செப்டம்பர் மாதம் 18ம் தேதி என்பது குறிப்பிடத்தக்கது.

English summary

Chennai Coast Guard has announced vacancies for Driver, Multi-Purpose Staff. 10th standard is enough to apply for these jobs.