நாடு முழுக்க.. பல கோடி அரசு, தனியார் ஊழியர்களுக்கு இன்ப அதிர்ச்சி.. எதிர்பாக்கவே இல்லையே.. செம

சென்னை: EPFO, 'ஊழியர்கள் சேர்க்கை திட்டம் 2025' என்ற ஒரே ஒருமுறை பயன்படுத்தக்கூடிய சிறப்புத் திட்டத்தைத் தொடங்க உள்ளது. பதிவு செய்யப்படாத ஊழியர்களைச் சேர்க்க விரும்பும் நிறுவனங்கள், அபராதம் இன்றி, தங்கள் பங்களிப்புடன், 7% வட்டி மற்றும் ₹100 என்ற பெயரளவு கட்டணத்தைச் செலுத்தி, ஊழியர்களை முறையாகப் பதிவு செய்ய இது உதவும்.

EPFOவில் இதன் மூலம் கூடுதலாக புதிய உறுப்பினர்கள் இணைக்கப்படுவார்கள். பல நிறுவனங்கள் EPFO கீழே இணையும் வாய்ப்புகளும் உள்ளன. இதற்கான பிரச்சாரங்களும் நடத்தப்பட உள்ளன. ஊழியர்களின் வருங்கால வைப்பு நிதி அமைப்பான EPFO, கடந்த ஒன்றிரண்டு ஆண்டுகளில் பிஎஃப் கணக்குதாரர்களுக்கான உரிமைகோரல் தீர்வு செயல்முறையை எளிதாக்க பல நடவடிக்கைகளை மேற்கொண்டுள்ளது. இந்த மாற்றங்கள் குறித்து நீங்கள் அறிந்துகொள்ள வேண்டும் என்பதற்காக மத்திய அரசு முக்கியமான பிரச்சாரம் ஒன்றை மேற்கொள்ள உள்ளது.

தன்னிச்சையாக உரிமை கோரல் வரம்பு அதிகரிப்பு: தானியங்கி முறையில் முன்கூட்டிய கோரிக்கைகளைச் செயல்படுத்த, வரம்பு ₹1 லட்சம் ஆக உயர்த்தப்பட்டுள்ளது. நோய்/மருத்துவமனைக்கான முன்பணங்களுக்கு கூடுதலாக, வீடு, கல்வி மற்றும் திருமணம் போன்றவற்றுக்கான முன்பணங்களும் தானியங்கி முறையில் கிடைக்கும். இது போன்ற தேவைகளுக்காக 1 லட்சம் ரூபாய் வர பெற முடியும்.

தற்போது 60% முன்பணக் கோரிக்கைகள் தானியங்கி முறையில் செயலாக்கப்படுகின்றன. இந்த தானியங்கி கோரிக்கைகள் மூன்று நாட்களுக்குள் தீர்க்கப்படுகின்றன.

நடப்பு நிதியாண்டில், மார்ச் 6, 2025 நிலவரப்படி, EPFO 2.16 கோடி தானியங்கி கோரிக்கைகளைத் தீர்த்து வைத்துள்ளது. 2023-24 நிதியாண்டில், 89.52 லட்சம் கோரிக்கைகள் மட்டுமே தானியங்கி முறையில் தீர்க்கப்பட்டன.

எளிமைப்படுத்தப்பட்ட செயல்முறை: உறுப்பினர் விவரங்கள் திருத்தும் செயல்முறை எளிதாக்கப்பட்டுள்ளதாக அமைச்சர் தெரிவித்தார். ஆதார் சரிபார்க்கப்பட்ட UAN கொண்ட உறுப்பினர்கள், EPFO தலையீடு இல்லாமல் தங்கள் அடையாள அட்டைகளில் திருத்தங்களைச் செய்யலாம். தற்போது, சுமார் 96% திருத்தங்கள் எந்த EPFO அலுவலக தலையீடும் இல்லாமல் செய்யப்படுகின்றன என்று அவர் கூறினார்.

எளிதாக்கப்பட்ட பிஎஃப் இடமாற்றம்: பிஎஃப் இடமாற்றக் கோரிக்கைகளுக்கு, ஆதார் சரிபார்க்கப்பட்ட UAN-களுக்கு இனி நிறுவனத்தின் சான்றொப்பம் தேவையில்லை. தற்போது, 10% இடமாற்றக் கோரிக்கைகளுக்கு மட்டுமே உறுப்பினர் மற்றும் முதலாளியின் சான்றொப்பம் தேவை என்று அமைச்சர் கூறினார்.

காசோலைச் சீட்டு சமர்ப்பிக்கத் தேவையில்லை: உரிமைகோரல் படிவத்துடன் காசோலைச் சீட்டு சமர்ப்பிக்க வேண்டிய அவசியம் இனி இல்லை. குறிப்பிடப்பட்ட அளவுகோல்களைப் பூர்த்தி செய்யும் KYC-இணக்கமான UAN-களுக்கு, உரிமைகோரல் படிவத்துடன் காசோலைச் சீட்டு சமர்ப்பிக்கும் தேவை தளர்த்தப்பட்டுள்ளது என்று அமைச்சர் தெரிவித்தார்.

தகுதியற்ற உரிமைகோரல்கள் குறித்த வழிகாட்டுதல்: உரிமைகோரல்களின் தகுதி/அனுமதி குறித்து உறுப்பினர்களுக்கு வழிகாட்ட EPFO சில முன்கூட்டிய சரிபார்ப்புகளை உருவாக்கியுள்ளதாக அமைச்சர் கூறினார். உறுப்பினர்கள் தகுதியற்ற கோரிக்கைகளைச் சமர்ப்பிப்பதைத் தவிர்க்க இது உதவும். தற்போது, 99.31% க்கும் மேற்பட்ட கோரிக்கைகளை EPFO ஆன்லைன் முறையில் பெற்று வருகிறது.

அலுவலகத்திற்குச் செல்ல வேண்டிய அவசியம் இல்லாமல் ஆன்லைன் முறையில் உரிமை கோரல்களைச் சமர்ப்பிக்கலாம். 2024-25 நிதியாண்டில், மார்ச் 6, 2025 நிலவரப்படி, 7.14 கோடி கோரிக்கைகள் ஆன்லைன் முறையில் தாக்கல் செய்யப்பட்டுள்ளன.

மேற்கண்டவற்றைத் தவிர, CITES 2.01 திட்டத்தின் கீழ் உறுப்பினர்களின் தரவுத்தளங்களை மையப்படுத்துவதன் மூலம் EPFO உரிமைகோரல் தீர்வு செயல்முறையை மேலும் எளிதாக்கி வருகிறது.

English summary

EPFO to start campaign on their new decisions and changes: What people should know?