அனுபவம் வேண்டாம்.. B.sc, BA, B.Com, BBA, BCA முடித்தவரா? சென்னை -கோவையில் பணி! அழைக்கும் Accenture

சென்னை: முன்னணி ஐடி நிறுவனங்களில் ஒன்றாக ஆக்சென்ச்சரில் இருந்து புதிய வேலைவாய்ப்பு குறித்த அறிவிப்பு வெளியாகி உள்ளது. இந்த பணிக்கு தேர்வாகும் நபர்கள் சென்னை, கோவை, பெங்களூர் உள்பட மொத்தம் 11 இடங்களில் பணி நியமனம் செய்யப்பட உள்ளனர். இந்த பணிக்கான டிகிரி முடித்து பணி அனுபவம் இல்லாதவர்களும் விண்ணப்பம் செய்யலாம்.

நம் நாட்டில் முன்னணி ஐடி நிறுவனங்களில் ஒன்று ஆக்சென்ச்சர் (Accenture). சென்னை, கோவை உள்பட பல்வேறு முக்கிய நகரங்களில் இந்த நிறுவனம் செயல்பட்டு வருகிறது. இந்த நிறுவனத்தில் இருந்து தற்போது புதிய வேலைவாய்ப்பு குறித்த அறிவிப்பு வெளியாகி உள்ளது. அதன் விபரம் வருமாறு:

ஆக்சென்ச்சர் நிறுவனத்தின் தற்போது சிஸ்டம் அண்ட் அப்ளிகேஷன் சர்வீசஸ் அசோசியேட் (System And Application Services Associate)பணிக்கு ஆட்கள் தேர்வு செய்யப்பட உள்ளனர்.

இந்த பணிக்கு 2024ம் ஆண்டுக்குள் பிஎஸ்சி, பிஏ, பிகாம், பிபிஏ, பிசிஏ, உள்பட ஏதாவது ஒரு பிரிவில் டிகிரி முடித்தவர்கள் விண்ணப்பம் செய்யலாம். இன்ஜினியரிங் முடித்தோர் விண்ணப்பம் செய்ய முடியாது. இந்த படிப்புகளை கல்லூரி சென்று முழுநேரமாக முடித்திருக்க வேண்டும். பார்ட் டைம் முறையில் படித்தவர்கள் விண்ணப்பம் செய்ய முடியாது. விண்ணப்பம் செய்வோருக்கு அரியர்ஸ் எதுவும் இருக்க கூடாது.

ஆக்சென்ச்சர் நிறுவனத்தில் கடைசியாக 3 மாதத்துக்குள் ஏதாவது இண்டர்வியூ அட்டென் செய்திருந்தால் அவர்கள் விண்ணப்பம் செய்ய வேண்டாம் என்று கேட்டு கொள்ளப்பட்டுள்ளது. அதேபோல் பிற டிகிரி முடித்தவர்கள் 0 - 23 மாதம் வரை சம்பந்தப்பட்ட பிரிவில் பணி அனுபவம் கொண்டிருக்க வேண்டும். பணி அனுபவம் இல்லாமல் இருந்தாலும் விண்ணப்பம் செய்யலாம்.

அப்ளிகேஷன் டெவலப்மென்ட் அசோசியேட்ஸ் பணிக்கு தேர்வாகும் நபர்களுக்கான சம்பளம் குறித்து எதுவும் தெரிவிக்கப்படவில்லை. இதுபற்றி கடைசி கட்ட இண்டர்வியூவில் தெரிவிக்கப்படும். பணிக்கு தேர்வாகும் நபர்கள் தமிழ்நாட்டில் சென்னை, கோவை பெங்களூர், ஹைதராபாத், மும்பை, புனே, குர்கிராம், கொல்கத்தா, இந்தூர், ஜெய்ப்பூர் உள்ளிட்ட இடங்களில் பணியமர்த்தப்படுவார்கள் என அதிகாரப்பூர்வ அறிவிப்பில் தெரிவிக்கப்பட்டுள்ளது. அதேபோல் எந்த லோகேஷன் மற்றும் ஷிப்ட்டாக இருந்தாலும் பணியாற்ற தயாராக இருக்க வேண்டும்.

விண்ணப்பத்துக்கான கடைசி தேதி என்று எதுவும் அதிகாரப்பூர்வ அறிவிப்பில் தெரிவிக்கப்படவில்லை. ஆனாலும் தகுதி மற்றும் விருப்பம் உள்ளவர்கள் Accenture நிறுவனத்தின் அதிகாரப்பூர்வ இணையதளம் மூலம் முடிந்தவரை சீக்கிரமாக விண்ணப்பம் செய்ய வேண்டும். இப்படி விண்ணப்பம் செய்வோருக்கு 10 நிமிடம் Mock/Practice Assesment, Cognitive Assessment 50 கேள்விகளுடன் இருக்கும். ஆங்கிலத்தில் பேசுவது, கிரிட்டிக்கல் திங்கிங் மற்றும் பிரச்சனையை தீர்க்கும் திறன் மற்றும் அப்ஸ்ட்ராக்டஸ் ரீசனிங் உள்ளிட்டவை இருக்கும். அதன்பிறகு காக்னிடிவ் மற்றும் டெக்னிக்கல் அசஸ்மென்ட் 90 நிமிடங்கள் வரை நடக்கும் என்று தெரிவிக்கப்பட்டுள்ளது.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

Accenture IT jobs: Accenture hiring for System and Application Services Associate role. Candidates who have 0 Month 1 Year experience can apply for this role. Selected candidates will be appointed in 11 places including Chennai and Coimbatore.