ரூ.66,000 டூ ரூ.1 லட்சம் வரை மாதசம்பளம்.. பெங்களூரில் சாப்ட்வேர் என்ஜினியர் வேலை.. அழைக்கும் கூகுள்

சென்னை: கூகுள் நிறுவனத்தில் சாப்ட்வேர் என்ஜினியர் பணியிடங்களை நிரப்புவதற்கான அறிவிப்பு வெளியாகி உள்ளது. இந்த பணிக்கு தேர்வாகும் நபர்களுக்கு ஆண்டுக்கு ரூ.8 லட்சம் முதல் ரூ.12 லட்சம் வரை சம்பளம் வழங்கப்பட உள்ளது.

கூகுள்.. இந்தியா உள்பட உலகம் முழுவதும் அனைவரும் பயன்படுத்தும் தேடிப்பொறி (Search Engine)தளமாக உள்ளது. அமெரிக்காவை தலைமையிடமாக கொண்டு கூகுள் செயல்பட்டு வருகிறது. இந்நிலையில் தான் கூகுளில் காலியாக உள்ள பணியிடங்கள் அவ்வப்போது முறையான அறிவிப்புகளுடன் நிரப்பப்பட்டு வருகின்றன.

அந்த வகையில் கூகுள் நிறுவனத்தில் காலியாக உள்ள சாப்ட்வேர் என்ஜினியர் பணியிடங்களை நிரப்புவதற்கான அறிவிப்பு என்பது தற்போது வெளியாகி உள்ளது. அதன் விபரம் வருமாறு:

கூகுளில் சாப்ட்வேர் பணியிடங்கள் நிரப்பபப்பட உள்ளது. காலியிடங்களின் எண்ணிக்கை என்பது குறிப்பிடப்படாத நிலையில் ஏராளமானவர்கள் தேர்வு செய்யப்பட உள்ளனர். இந்த பணிக்கு குறைந்தபட்ச தகுதி என்பது டிகிரி முடித்து Software Development-ல் ஓராண்டு பணி அனுபவம் கொண்டவர்கள் விண்ணப்பம் செய்யலாம்.

இல்லாவிட்டால் டிகிரி முடித்து பைத்தான், சி, சி++, ஜாவா, ஜாவா ஸ்கிரிப்ட் உள்ளிட்டவற்றில் ஏதேனும் ஒன்றை முடித்திருக்க வேண்டும். மேலும் பிஇ, எம்இ, எம்டெக் பிரிவில் கம்ப்யூட்டர் என்ஜினியர், சாப்ட்வேர் என்ஜினியர், கம்ப்யூட்டர் சயின்ஸில் பிஎச்டி முடித்தவர்களும் விண்ணப்பம் செய்யலாம். மேலும் யூனிக்ஸ், லினக்ஸ், நெட்வொர்க்கிங் பிரிவில் பணியாற்றிய அனுபவம் கொண்டவர்களும் விண்ணப்பம் செய்யலாம்.

இந்த பணிக்கு தேர்வாகும் நபர்களுக்கு குறைந்தபட்சமாக ஆண்டுக்கு ரூ.8 லட்சம் வரை சம்பளம் வழங்கப்படும். அதன்படி மாதசம்பளமாக ரூ.66 ஆயிரம் கிடைக்கும். அதிகபட்சம் என்றால் ரூ.12 லட்சம் வரை (மாதசம்பளம் ரூ.1 லட்சம்) சம்பளம் வழங்கப்படும். சம்பளம் என்பது ஒவ்வொருவரின் திறமையை பொறுத்தது.

இந்த பணிக்கு விண்ணப்பம் செய்வதற்கான கடைசி தேதி என்பது குறிப்பிடப்படவில்லை. இருப்பினும் தகுதி மற்றும் விருப்பம் உள்ளவர்கள் விரைந்து விண்ணப்பம் செய்ய வேண்டும். பணிக்கு தேர்வாகும் நபர்கள் பெங்களூரில் பணியமர்த்தப்பட உள்ளதாக அதிகாரப்பூர்வ அறிவிப்பில் தெரிவிக்கப்பட்டுள்ளது.

பணி தொடர்பான அதிகாரப்பூர் அறிவிப்பு பார்த்து விண்ணப்பம் செய்ய Click Here

English summary

Google has released a notification to fill the posts of Software Engineer. Candidates for this job will be paid a salary of Rs.8 lakh to Rs.12 lakh per annum.