வாரம் 2 நாள் விடுமுறை.. அனுபவம் தேவையில்லை.. HCLலில் நாளை முதல் 2 நாள் இண்டர்வியூ.. சென்னையில் பணி

Updated: Tuesday, October 28, 2025, 20:08 [IST]

Subscribe to Oneindia Tamil

சென்னை: சென்னையில் செயல்பட்டு வரும் எச்சிஎல் ஐடி நிறுவனத்தில் நாளை (அக்டோபர் 29) மற்றும் நாளை மறுநாள் (அக்டோபர் 29) ஆகிய தேதிகளில் இண்டர்வியூ நடைபெற உள்ளது. ஆங்கிலத்தில் சரளமாக பேச தெரிந்தவர்கள் இண்டர்வியூவில் பங்கேற்கலாம். பணி அனுபவம் தேவையில்லை. தேர்வாகும் நபர்கள் நாவலூர் அலுவலகத்தில் பணி நியமனம் செய்யப்பட உள்ளனர். இதனால் தகுதி மற்றும் விருப்பம் உள்ளவர்கள் இண்டர்வியூவுக்கு தயாராகலாம்.

முன்னணி ஐடி நிறுவனங்களில் ஒன்றாக எச்சிஎல் உள்ளது. இந்த நிறுவனத்தில் இருந்து தற்போது காலிப்பணியிடங்கள் நிரப்பப்பட உள்ளது. அதன் விவரம் வருமாறு:

hcl-hiring-for-international-voice-role-in-chennai-and-interview-to-be-held-on-october-29-to-october

எச்சிஎல் நிறுவனத்தில் தற்போது International Voice Fresher பணிக்கு ஆட்கள் தேர்வு செய்யப்பட உள்ளனர். இந்த பணியை பெற விரும்புவோருக்கு சில முக்கிய தகுதிகள் இருக்க வேண்டும்.

அதன்படி ஆங்கிலத்தில் சரளமாக பேசவும், எழுதவும் தெரிந்திருக்க வேண்டும். புதிய தொழில்நுட்பங்களை கற்றுக்கொள்ளும் திறமை இருக்க வேண்டும். நன்கு கவனிக்கும் திறமை இருக்க வேண்டும். டீமாக சேர்ந்து பணியாற்ற தெரிந்திருக்க வேண்டும். கஸ்டமர் கேர் ஸ்கில்ஸ் இருக்க வேண்டும்.

இந்த இண்டர்வியூவில் பணிக்கு பணி அனுபவம் இல்லாதவர்களும் 4 ஆண்டுகள் வரை பணி அனுபவம் உள்ளவர்களும் பங்கேற்கலாம். பிஇ, பிடெக் படிப்புகளை முடித்தவர்கள் இண்டர்வியூவுக்கு வர வேண்டாம் என்று தெரிவிக்கப்பட்டுள்ளது. மேலும் அலுவலகத்தில் பணி என்பது நைட் ஷிப்ட்டாக இருக்கும்.

பணிக்கு தேர்வாகும் நபர்கள் சென்னை நாவலூரில் உள்ள அலுவலகத்தில் நியமனம் செய்யப்பட உள்ளனர். வாரத்தில் 5 நாட்கள் பணி இருக்கும். 2 நாட்கள் விடுமுறையாகும். தற்போதைய அறிவிப்பின்படி பணிக்கான மாதசம்பளம் குறித்து எதுவும் தெரிவிக்கப்படவில்லை. இதுபற்றி கடைசி கட்ட இண்டர்வியூவில் தெரிவிக்கப்படும்.

இந்த பணிக்கான இண்டர்வியூ நாளை (அக்டோபர் 29) மற்றும் நாளை மறுநாள் (அக்டோபர் 30) என 2 நாட்கள் காலை 10 மணி முதல் மதியம் 2 மணி வரை நடைபெற உள்ளது. இண்டர்வியூவில் பங்கேற்க விரும்புவோர் HCL Tech, ETA 3: Block 1, Sandhya Infocity, OMR, Navalur, Chennai - 600 130 என்ற முகவரிக்கு செல்ல வேண்டும். கையில் 2 ரெஸ்யூம், ஆதார், பான் அல்லது டிரைவிங் லைசென்ஸ் என்று ஏதாவது ஒரு அடையாள அட்டையை வைத்திருக்க வேண்டும் என்று தெரிவிக்கப்பட்டுள்ளது

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here