இந்திய விமானப்படை வேலை 2023.. விமானி முதல் பல்வேறு பணியிடங்கள்.. எப்படி விண்ணப்பிப்பது?

டெல்லி: இந்திய விமானப்படையில் காலியிடங்களை நிரப்புதற்கான அறிவிப்பு வெளியாகி உள்ளது. விமானப்படையில் பிளையிங் அண்டு கிரவுண்ட் டியூட்டி பிரிவில் பணிபுரிய தகுதியும் ஆர்வமும் உள்ள இரு பாலர்களிடம் இருந்து விண்ணப்பங்கள் வரவேற்கப்படுகிறது.

என்னென்ன பணியிடங்கள் உள்ளன என்பதை பார்ப்போம். ஏ.எப்.சி.ஏ.டி., என்ட்ரி பிரிவில் பிளையிங் 11, கிரவுண்ட் டியூட்டி 265 (டெக்னிக்கல் 151, நான் டெக்னிக்கல் 114) என மொத்தம் 276 காலியிடங்கள் இருக்கின்றன.

என்ன கல்வித்தகுதி உள்ளவர்கள் விண்ணப்பிக்கலாம்: பிளையிங் பிரிவுக்கு விண்ணப்பிக்க குறைந்தது 50 சதவிகித மதிப்பெண்ணுடன் பிளஸ் 2, குறைந்தது 60 சதவிகித மதிப்பெண்ணுடன் ஏதேனும் டிகிரி முடித்திருக்க வேண்டும். பிளஸ் 2வில் இயற்பியல், வேதியியல் பாடங்களை எடுத்து படித்திருக்க வேண்டும்.

கிரவுண்ட் டியூட்டி டெக்னிக்கல் பிரிவுக்கு விண்ணப்பிக்க பொறியியல் துறையில் பட்டம். டெக்னிக்கல் அல்லாத பிரிவுக்கு ஏதாவதொரு பிரிவில் பட்டம் பெற்றிருக்க வேண்டும்.

எத்தனை வயது வரை விண்ணப்பிக்கலாம்: 1.7.2024 தேதியின்படி பிளையிங் பிரிவுக்கு 20 - 24 வயதிற்குள்ளும், கிரவுண்ட் டியூட்டி பிரிவிக்கு 20 - 26 வயதிற்குள்ளும் இருக்க வேண்டும்.

பிளையிங் அண்டு கிரவுண்ட் டியூட்டி பிரிவில் எப்படி பணியாளர்கள் தேர்வு செய்யப்படுவார்கள்: எழுத்துத்தேர்வு, உடல்தகுதித் தேர்வு மற்றும் மருத்துவ பரிசோதனை தேர்வு அடிப்படையில் தகுதியானவர்கள் தேர்வு செய்யப்படுவர்.

தமிழ்நாட்டில் தேர்வு மையம் எங்கெல்லாம் இருக்கும் : சென்னை, கோவை, மதுரை, திருநெல்வேலி, வேலூர்

விண்ணப்பக் கட்டணம்: ரூ.250

விண்ணப்பிப்பதற்கான கடைசி நாள் : 30.6.2023

பிளையிங் பிரிவில் என்ன பணி: IAF இன் பிளையிங் பிரிவில் சேர்ந்தால் விமானத்தில் பறக்கும் விமானி வேலையாகும். நீங்கள் ஒரு போர் விமானி அல்லது ஒரு ஹெலிகாப்டர் பைலட் அல்லது ஒரு போக்குவரத்து விமானியாக பயிற்சி பெறுவீர்கள். போர்க்காலங்களிலும் விமான பணி இருக்கும்.

GROUND DUTY (NON-TECHNICAL) BRANCHES இல் என்ன பணி: விமானப்படையில் தன்னுடைய படையில் உள்ளவர்களை, விமானப்படையின் மற்ற பல்வேறு பணிகளை நிர்வகிக்க வேண்டும். பட்டதாரிகள் மட்டுமே இப்பணியில் சேர முடியும்.

மேலும் விவரங்களுக்கு https://afcat.cdac.in/AFCAT/CareerAsPerBranches.html என்ற லிங்கில் சென்று தெரிந்து கொள்ளலாம்.

English summary

indian air force recruitment 2023 apply online: Indian Air Force has released a notification to fill the vacancies. Applications are invited from both eligible and interested graduates to serve in Flying and Ground Duty in Air Force.