இந்தியன் ஓவர்சீஸ் வங்கியில் வேலை.. 66 பணியிடங்கள்.. அதுவும் சென்னையிலேயே.. கல்வி தகுதி என்ன? விவரம்

சென்னை: மத்திய அரசின் பொதுத்துறை வங்கிகளில் ஒன்றான இந்தியன் ஓவர்சீஸ் வங்கியில் காலியாக உள்ள 66 பணியிடங்களை நிரப்புவதற்கான அறிவிப்பு வெளியாகியுள்ளது. இதன் விவரங்களை பார்க்கலாம்.

மத்திய அரசின் பொதுத்துறை வங்கிகளில் ஒன்று இந்தியன் ஓவர்சீஸ் வங்கி. நாடு முழுவதும் பல்வேறு கிளைகளுடன் இயங்கி வரும் மிகப்பெரும் வங்கியான இந்தியன் ஓவர்சீஸ் வங்கியில் காலியாக உள்ள சிறப்பு அதிகாரிகள் (SO) பணியிடங்களை நிரப்புவதற்கான அறிவிப்பு வெளியாகியுள்ளது. மொத்தம் 66 பணியிடங்கள் நிரப்பப்படுகின்றன. இந்த பணியிடங்களுக்கு தேவையான கல்வி தகுதி, வயது வரம்பு உள்ளிட்டவற்றை இங்கே காணலாம்.

பணியிடங்கள் விவரம்: மேனேஜர் (சட்டம்)- 08 பணியிடங்கள், சீனியர் மேனேஜர் (சட்டம்) 02 பணியிடங்கள், மேனேஜர் (ஐ.எஸ் ஆடிட்) 03 பணியிடங்கள், சீனியர் மேனேஜர் (ஐ.எஸ் ஆடிட்) 02 பணியிடங்கள், மேனேஜர் (பாதுகாப்பு) 03, தலைமை மேனேஜர் (ரிஸ்க்) 02, மேனேஜர் (சிவில்) 02, மேனேஜர் ஆர்கிடெட்க் -02, மேனேஜர் டிஜிட்டல் பேங்கிங் (ஐபி, எம்.பி, யுபிஐ, ஐஓபிபே) 01 என மொத்தம் 22 வகையான பணியிடங்களில் 66 பேர் தேர்வு செய்யப்படுகிறார்கள்.

கல்வித்தகுதி: துறைசார்ந்த கல்வி தகுதியுடன் அனுபவம் கோரப்பட்டுள்ளது. இது குறித்த முழு விவரங்களை தேர்வு அறிவிப்பில் தெரிந்து கொள்ளலாம். https://www.iob.in/upload/CEDocuments/Recruitment_of_Specialist_Officers_2023-24_051123.pdf தேர்வு அறிவிப்பை தெரிந்து கொள்ள இந்த லிங்கை கிளிக் செய்யவும்.

வயது வரம்பு: 25 முதல் 35 வயதுக்கு உட்பட்டவர்கள் இந்த பணியிடங்களுக்கு விண்ணப்பிக்கலாம். சீனியர் மேனேஜர், சீஃப் மேனேஜர் ஆகிய பதவிகளுக்கு அதிகபட்ச வயது வரம்பு 40 ஆக நிர்ணயிக்கப்பட்டுள்ளது. அரசு விதிகளின் படி வயது வரம்பில் தளர்வுகளும் உண்டு. அதாவது ஓபிசி பிரிவினருக்கு மூன்று ஆண்டுகளும் எஸ்.சி/எஸ்.டி பிரிவினருக்கு 5 ஆண்டுகளும் வயது வரம்பில் தளர்வுகள் உண்டு. சம்பளத்தை பொறுத்தவரை பணியிடங்களுக்கு ஏற்ப மாறுபடும். அதிகபட்சமாக ரூ.89,890 வரை சம்பளமாக வழங்கப்படும்.

விண்ணப்பிப்பது எப்படி? ஆன்லைன் மூலமாக விண்ணப்பிக்க வேண்டும். தகுதியும் ஆர்வமும் உள்ள விண்ணப்பதாரர்கள் வரும் 19.11.2023-க்குள் விண்ணப்பிக்க வேண்டும். விண்ணப்ப கட்டணமாக எஸ்.சி/எஸ்.டி பிரிவினர் மற்றும் மாற்றுத்திறனாளிகள் ரூ.175 செலுத்த வேண்டும். ஒபிசி&EWS மற்றும் பொது பிரிவினர் ரூ. 850 செலுத்த வேண்டும். தேர்வுக்கு விண்ணப்பிக்கhttps://www.iobnet.org:4441/recruitApp/RecApplicationAction.do?Method=MainPage
என்ற இணையதள லிங்கை கிளிக் செய்யவும்.

English summary

Indian Overseas Bank, one of the central government's public sector banks, has released a notification to fill 66 vacant posts. Let's see its details.