இன்ஃபோசிஸ் நிறுவனத்தில் வேலை வேண்டுமா? அதுவும் NON - IT பணி.. வாய்ப்பை மிஸ் பண்ணாதீங்க!
சென்னை: முன்னணி ஐடி நிறுவனங்களில் ஒன்றான இன்ஃபோசிஸில் காலிப்பணியிடங்களை நிரப்புவதற்கான அறிவிப்பு என்பது வெளியாகி உள்ளது.
இந்தியாவில் அதிகளவிலான ஐடி நிறுவனங்கள் பெங்களூரில் தான் செயல்பட்டு வருகின்றன. அதில் முக்கியமான நிறுவனம் இன்ஃபோசிஸ். இந்த நிறுவனம் பெங்களூரை மையமாக வைத்து தான் உலகம் முழுவதும் செயல்பட்டு வருகிறது.
இந்நிலையில் தான் பெங்களூர் இன்ஃபோசிஸில் அவ்வப்போது வெவ்வேறு பணியிடங்களுக்கு ஆட்கள் தேர்வு செய்யப்பட்டு வருகின்றனர். அந்த வகையில் தற்போது Non IT பிரிவில் பணியாற்றுவதற்கு தேவையான ஆட்கள் தேர்வு செய்யப்பட உள்ளனர்.
அதன்படி இன்ஃபோசிஸ் நிறுவனத்தில் ப்ராசஸ் டிரெய்னி (Process Trainee) பணியிடங்கள் நிரப்பப்பட உள்ளது. இது ஒரு Customer Support Role வகை பணியாகும். இந்த பணிக்கு 0 - 1 ஆண்டு அனுபவம் கொண்டவர்கள் விண்ணப்பம் செய்யலாம். பணிக்கு தேர்வாகும் நபர்கள் பெங்களூரில் பணியமர்த்தப்படுவார்கள். அதேவேளையில் தேவையென்றால் பிற இடங்களுக்கும் மாற்றம் செய்யப்படுவார்கள்.
பணிக்கு விண்ணப்பம் செய்வோர் ஏதாவது ஒரு பிரிவில் டிகிரி முடித்திருக்க வேண்டும். ஆங்கிலத்தில் நன்கு உரையாட தெரிந்திருக்க வேண்டும். இந்தி மொழியும் தெரிந்திருக்க வேண்டும். பிழையின்றி இ-மெயில் அனுப்ப தெரிந்திருக்க வேண்டும். மேலும் தேவையென்றால் வார விடுமுறையில் கூட பணியாற்ற முன்வரும் குணம் கொண்டிருக்க வேண்டும்.
இந்த பணிக்கு தேர்வாகும் நபர்களுக்கான சம்பளம் குறித்த விபரம் அதிகாரப்பூர்வ அறிவிப்பில் தெரிவிக்கப்படவில்லை. இருப்பினும் திறமையை பொறுத்து நல்ல சம்பளம் வழங்கப்படலாம். அதேபோல் விண்ணப்பம் செய்வதற்கான கடைசி தேதியும் தெரிவிக்கப்படவில்லை. இதனால் தகுதி மற்றும் விருப்பம் உள்ளவர்கள் இன்போசிஸ் நிறுவனத்தின் இணையதளம் சென்று உடனடியாக விண்ணப்பம் செய்யலாம்.
பணி தொடர்பான அதிகாரப்பூர்வ அறிவிப்பு மற்றும் பணிக்கு விண்ணப்பம் செய்ய Click Here
Click it and Unblock the Notifications
Sign in with Google