திரைப்படத்துறையில் ஆர்வமா? மாஸ் கம்யூனிகேஷன் படித்திருந்தால் போதும்! ரூ.70,000 சம்பளத்தில் வேலை ரெடி

சென்னை: தேசிய திரைப்படத்துறையில் 14 காலிப்பணியிடங்களுக்கு ஆட்களை நிரப்பும் பணி நடைபெற்று வருகிறது. இந்த வேலைக்கு மாஸ் கம்யூனிகேஷன்ஸ் படித்திருந்தால் போதுமானதாகும். ஆர்வமுள்ள நபர்களிடமிருந்து தேசிய திரைப்படத்துறை விண்ணப்பங்களை எதிர்பார்த்து காத்திருக்கிறது.

இந்தியாவின் மிகச்சிறந்த திரைப்படங்களை ஊக்குவிப்பது இந்த துறையின் பணியாகும். கடந்த 1975ம் ஆண்டிலிருந்து இந்த துறை இயங்கி வருகிறது. இந்நிலையில் இந்த துறையில் Consultant, Junior Programmer, Coordinator, Executive, Sr. Executive, Assistant Programming Coordinator, Registration Jr. Executive, Editor/Assistant Programming Coordinator ஆகிய பணியிடங்கள் காலியாக இருக்கின்றன. இதற்கு ஆர்வமுள்ளவர்கள் விண்ணப்பிக்கலாம் என நேஷனல் ஃபிலிம் டெவலப்மென்ட் கார்ப்பரேஷன் லிமிடெட் (NFDC) அறிவித்துள்ளது.

இதில் மொத்தம் 14 காலி பணியிடங்கள் இருக்கின்றன. இதற்கு விண்ணப்பிக்க இன்றே (24.08.2023) கடைசி நாளாகும். விண்ணப்பிக்கும் விண்ணப்பதாரர்கள் அரசால் அங்கீகரிக்கப்பட்ட பல்கலைக்கழகத்தில் இருந்து Graduate in Mass Communication/Film Studies/Humanities/ Graduate/Post Graduate, Degree/Diploma in Social Media Marketing/Social Media Management, Degree in Marketing/Branding, Diploma in Communication Studies/Mass Communication தேர்ச்சி பெற்றிருக்க வேண்டும்.

குறிப்பாக இந்த பணிக்கு அனுபவம் மிகவும் முக்கியமானதாகும். எனவே விண்ணப்பதாரர்கள் பணிக்கு சம்மந்தப்பட்ட துறையில் 2 முதல் 10 ஆண்டுகள் வரை பணி அனுபவம் பெற்றிருக்க வேண்டும். இப்பணிக்கு தேர்வு செய்யப்படும் தேர்வர்க்கு மாதம் ரூ.30,000/- முதல் ரூ.70,000/- வரை ஊதியம் வழங்கப்படும். இந்த பணிக்கு ஆன்லைனில் மட்டுமே விண்ணப்பிக்க முடியும். https://nfdcindiant.samarth.edu.in/index.php/site/login எனும் வெப்சைட்டுக்கு சென்று லாக்-இன் செய்து விண்ணப்பிக்க வேண்டும்.

இதில் ஏற்கெனவே அக்கவுன்ட் இல்லையெனில் விண்ணப்பதாரர்கள் தங்களது மெயில் ஐடி மற்றும் மொபைல் எண் கொடுத்து லாக் இன் செய்துக்கொள்ளலாம். இதன் மூலம் புதிய பாஸ்வேர்டை உருவாக்கி லாகின் செய்ய முடியும். இதில் விண்ணப்பிக்க இன்றே கடைசி நாள் என்பதால் விண்ணப்பதாரர்கள் உடனே விண்ணபிக்கும்படி NFDC அறிவுறுத்தியுள்ளது.

English summary

The National Film Department is currently recruiting for 14 vacancies. A degree in Mass Communications is sufficient for this job. National Film Department invites applications from interested persons.