IT JOBS: B.sc, B.com, BBA, BCA போதும்.. சென்னை HCL-லில் வேலை.. நாளை - நாளை மறுநாள் இண்டர்வியூ

சென்னை: சென்னையில் செயல்பட்டு வரும் எச்சிஎல் ஐடி நிறுவனத்தில் நாளை (நவம்பர் 24) மற்றும் நாளை மறுநாள் (நவம்பர் 25) என 2 நாட்கள் இண்டர்வியூ நடைபெற உள்ளது. இதில் பிஎஸ்சி, பிகாம், பிபிஏ, பிசிஏ உள்ளிட்ட படிப்புகளை 2024, 2025ம் ஆண்டில் முடித்தவர்கள் பங்கேற்கலாம். முன்அனுபவம் தேயைில்லை. பணிக்கு தேர்வாகும் நபர்கள் சென்னையில் நியமனம் செய்யப்பட உள்ளனர்.

முன்னணி ஐடி நிறுவனமான எச்சிஎல்-லில் இருந்து அடுத்தடுத்து புதிய வேலைவாய்ப்புகள் குறித்த அறிவிப்புகள் வெளியாகி வருகின்றன. அந்த வகையில் தற்போது International Voice Process Fresher's என்ற பிரிவுக்கு ஆட்கள் தேர்வு செய்யப்பட உள்ளனர்.

இந்த பணிக்கு 2024, 2025ம் ஆண்டுகளில் கல்லூரி படிப்பை முடித்தவர்கள் விண்ணப்பம் செய்யலாம். குறிப்பாக விண்ணப்பத்தாரர்கள், பிஎஸ்சி, பிகாம், பிபிஏ, பிசிஏ படிப்புகளை படித்தவராக இருக்க வேண்டும். மற்ற படிப்புகளை படித்தவர்கள் விண்ணப்பம் செய்ய வேண்டாம்.

அதேபோல் விண்ணப்பத்தாரர்களுக்கு அரியர்ஸ் என்பது இருக்க கூடாது. இந்த பணிக்கு அனுபவம் தேவையில்லை. அனுபவம் கொண்டவர்கள் என்றால் ஓராண்டுக்கு மிகாமல் இன்டர்நேஷனல் பிபிஓவில் பணியாற்றி இருக்க வேண்டும். இந்த அனுபவசாலிகள் இண்டர்வியூவில் பங்கேற்றால் Relivig/Resignation Acceptance கடிதத்தை வைத்திருக்க வேண்டும்.

மேலும் விண்ணப்பம் செய்வோருக்கு ஆங்கிலத்தில் சரளமாக பேசவும், எழுதவும் தெரிந்திருக்க வேண்டும். அலுவலகம் வந்து பணியாற்ற தயாராக இருக்க வேண்டும். ஷிப்ட் ரோட்டேஷனல் அடிப்படையில் இருக்கும். இதனால் எந்த வகை ஷிப்ட்டாக இருந்தாலும் பணியாற்ற தயாராக இருக்க வேண்டும். Cab வசதி உள்ளது. இதன்மூலமாக பிக்அப்-டிராப் கிடைக்கும்.

தற்போதைய அறிவிப்பின்படி பணிக்கான மாதசம்பளம் அல்லது ஆண்டு சம்பளம் பற்றி எதுவும் தெரிவிக்கப்படவில்லை. பணி அனுபவம், திறமையை பொறுத்து சம்பளம் நிர்ணயம் செய்யப்படும். இதுபற்றி கடைசி கட்ட இண்டர்வியூவில் தெரிவிக்கப்படும். அதேபோல் பணிக்கு தேர்வாகும் நபர்கள் சென்னையில் உள்ள அலுவலகத்தில் நியமனம் செய்யப்பட உள்ளனர்.

இந்த பணிக்கான இண்டர்வியூ நாளை (நவம்பர் 24) மற்றும் நாளை மறுநாள் (நவம்பர் 25) என 2 நாட்கள் காலை 11 மணி முதல் மதியம் 1 மணி வரை நடைபெற உள்ளது. இண்டர்வியூவில் பங்கேற்க விரும்புவோர் No 602/3/138, Spcial Economic Zone, Elcot-SeZ, Tower 4, Medavakkam High Road, Sholinganallur, Chennai 600 119 என்ற முகவரிக்கு குறித்த நேரத்தில் செல்ல வேண்டும்.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

Chennai HCL IT Jobs 2025(சென்னை எச்சிஎல் ஐடி வேலைவாய்ப்பு 2025): HCL mega walk in drive for international voice process roles. Interview to be held on November 24 to 25 in Chennai. Selected candidates will be appointed in Chennai.