IT Jobs: டிசிஎஸ்-ஸில் சூப்பர் வேலை!பிப்ரவரி 14ல் பெங்களூரில் இண்டர்வியூ

சென்னை: டிசிஎஸ் ஐடி நிறுவனத்தில்(TCS IT Jobs) வரும் 14ம் தேதி காலை 9 மணி முதல் 11 மணி வரை இண்டர்வியூ நடைபெற உள்ளது. குறைந்தபட்சம் ஒரு டிகிரி முடித்தவர்கள் சம்பந்தப்பட்ட பிரிவில் பணி அனுபவம் உள்ளவர்கள் இந்த பணிக்கு விண்ணப்பம் செய்து இண்டர்வியூவில் பங்கேற்கலாம்.

டாடா குழுமத்தை சேர்ந்த ஐடி நிறுவனமாக டாடா கன்சல்டன்சி சர்வீசஸ் செயல்பட்டு வருகிறது. சுருக்கமாக டிசிஎஸ் என்று அழைக்கப்படும் இந்த ஐடி நிறுவனத்தில் இருந்து அடுத்தடுத்து புதிய வேலைவாய்ப்புகள் குறித்த அறிவிப்புகள் வெளியாகி வருகின்றன.

அந்த வகையில் தற்போது டிசிஎஸ் ஐடி நிறுவனத்தில் Azure + Java Springboot பணிக்கு ஆட்கள் தேர்வு செய்யப்பட உள்ளனர். இந்த பணிக்கு 15 ஆண்டு கல்வியை முடித்திருக்க வேண்டும் என்று தெரிவிக்கப்பட்டுள்ளது. அதன்படி குறைந்தபட்சம் ஒரு டிகிரியாவது முடித்திருக்க வேண்டும்.

அனுபவம் என்ன?

அதேபோல் சம்பந்தப்பட்ட பிரிவில் குறைந்தபட்சம் 5 ஆண்டு முதல் 14 ஆண்டு வரை பணி அனுபவம் கொண்டிருக்க வேண்டும். அதாவது 5+ ஆண்டுகள் Azure + Java Springboot-ல் அனுபவம் கொண்டிருக்க வேண்டும்.

சம்பளம் என்ன?

தற்போதைய அறிவிப்பில் பணிக்கான சம்பளம் குறித்து எதுவும் தெரிவிக்கப்படவில்லை. இதுபற்றி கடைசி கட்ட இண்டர்வியூவில் தெரிவிக்கப்படும். பணி அனுபவம் மற்றும் திறமையை பொறுத்து சம்பளம் நிர்ணயம் செய்யப்பட உள்ளது.

பிப்ரவரி 14ல் இண்டர்வியூ

இதற்கான இண்டர்வியூ வரும் 14ம் தேதி காலை 9 மணி முதல் 1 மணி வரை நடைபெற உள்ளது. இண்டர்வியூவில் பங்கேற்க விரும்புவோர் அன்றைய தினம் Brigade Bhuwalka Icon, 84/1 & 84/2, ITPL Main Road, pattandur Agrahara, Sadaramanganal Industrial Area, Whitefield, Bengaluru, Karnataka, 560 066 என்ற முகவரிக்கு செல்ல வேண்டும். அங்கு தான் இண்டர்வியூ நடைபெற உள்ளது.

பெங்களூரில் நியமன வாய்ப்பு

பணிக்கு தேர்வாகும் நபர்கள் எங்கு நியமனம் செய்யப்பட உள்ளனர் என்பது குறிப்பிடப்படவில்லை. அதிகபட்சமாக பெங்களூரில் உள்ள டிசிஎஸ் நிறுவனத்திலேயே நியமனம் செய்யப்பட அதிக வாய்ப்புள்ளது.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

TCS IT Jobs: TCS decided to recruit Azure + Java Springboot roles. Walk in drive to be held on February 14 in Bengaluru.