விழுப்புரம் அங்காளம்மன் கோயிலில் வேலை வாய்ப்பு.. ரூ.1.16 லட்சம் சம்பளம்! விண்ணப்பிக்க ரெடியா?

Updated: Monday, November 3, 2025, 11:01 [IST]

Subscribe to Oneindia Tamil

விழுப்புரம்: இந்து சமய அறநிலையத்துறையின் கீழ் செயல்படும் விழுப்புரம் மேல் மலையனூர் அருள்மிகு அங்காளம்மன் திருக்கோயிலில் வேலைவாய்ப்பு அறிவிக்கப்பட்டுள்ளது. மாதம் ரூ.1.16 லட்சம் வரை சம்பளம் வழங்கப்படும். 12 ஆம் வகுப்பு முடித்தவர்களும் இந்த பணியிடங்களுக்கு விண்ணப்பிக்க முடியும்.

விழுப்புரம் மாவட்டம் மேல் மலையனூர் வட்டத்தில் அமைந்துள்ள அருள்மிகு அங்காளம்மன் திருக்கோயிலில் காலியாக உள்ள 06 பணியிடங்களை நிரப்ப அறிவிப்பு வெளியாகியுள்ளது. இந்து சமய அறநிலையத்துறையின் கீழ் செயல்படும் இந்தக் கோயிலில் பணியாற்றும் ஊழியர்களுக்கு கைநிறைய சம்பளம், அரசு விதிகளின்படி சலுகைகள் உள்ளிட்டவை வழங்கப்படுகின்றன.

பணியிட விவரம்:

* மருத்துவர்: 02
* உதவி செவிலியர்: 02
* நர்சிங் அசிஸ்டெண்ட்: 02 என மொத்தம் 06 பணியிடங்கள் நிரப்பப்படுகின்றன.

கல்வித் தகுதி:

* மருத்துவர்: எம்பிபிஎஸ் (MBBS) முடித்திருக்க வேண்டும்.
* உதவி செவிலியர்: நர்சிங் படிப்பு சான்றிதழ் அல்லது நர்சிங் டிப்ளமோ முடித்திருக்க வேண்டும்.
* நர்சிங் அசிஸ்டெண்ட்: 12ஆம் வகுப்பு தேர்ச்சி பெற்றிருக்க வேண்டும். சுகாதார பணியாளர் சான்றிதழ் பெற்றிருக்க வேண்டும்.

வயது வரம்பு:

அனைத்து பணியிடங்களுக்கும் அதிகபட்ச வயது வரம்பு 45 வயது.

சம்பள விவரம்:

* மருத்துவர்: ரூ.36,700 - ரூ.1,16,200
* உதவி செவிலியர்: ரூ.18,500 - ரூ.58,600
* நர்சிங் அசிஸ்டெண்ட்: ரூ.11,600 - ரூ.36,800

பிற நிபந்தனைகள்:

* இந்து மதத்தைச் சார்ந்தவராகவும், தமிழ்நாட்டைச் சார்ந்தவராகவும் இருக்க வேண்டும்.
* தொற்று நோய், உடல் அல்லது மனநிலை குறைபாடு உள்ளவர்கள் விண்ணப்பிக்க தகுதியற்றவர்கள்.
* நீதிமன்றத்தில் தண்டனை பெற்றவர்கள், கடன் தீர்க்க முடியாதவர்கள், அரசுப்பணியிலிருந்து தண்டனையால் நீக்கப்பட்டவர்கள் விண்ணப்பிக்க முடியாது.
* நன்னடத்தை உடையவராக இருக்க வேண்டும். இதற்காக அரசிதழில் பதிவு பெற்ற அரசு உயர் அதிகாரியிடமிருந்து பெறப்பட்ட நன்னடத்தைச் சான்று சமர்ப்பிக்க வேண்டும்.

* அறிவிப்பு வெளியிடும் தேதிக்கு முன்னதாகவோ அல்லது "24.11.2025 மாலை 5.45 மணிக்குப் பிறகு" வரப்பெறும் விண்ணப்பங்கள் பரிசீலிக்கப்படமாட்டாது.
* ஒவ்வொரு பதவிக்கும் தனித்தனியாக விண்ணப்பிக்க வேண்டும்.
* விண்ணப்ப உறையின் மீது அந்தந்த பதவியின் பெயர் குறிப்பிடப்பட வேண்டும்.
* தகுதியுள்ளவர்களுக்கு மட்டுமே நேர்முகத் தேர்வுக்கான அழைப்பு அனுப்பப்படும்.
* நேரடி நியமனம் இந்து சமய அறநிலையத்துறை சட்ட விதிகளுக்குட்பட்டது.
* விண்ணப்பதாரர் நல்ல உடல் ஆரோக்கியம் கொண்டவராக இருக்க வேண்டும்.

* அனைத்து சான்றிதழ்களும் அரசு பதிவு பெற்ற அலுவலரின் சான்றொப்பத்துடன் கூடிய புகைப்பட நகல்களாக இருக்க வேண்டும். அசல் சான்றிதழ்களை அனுப்ப வேண்டாம்.
* ராஜீகத்தாலும் தெய்வீகத்தாலும் ஏற்படும் மாற்றங்களுக்கு நிர்வாகம் பொறுப்பல்ல.
* விண்ணப்ப கட்டணம் இல்லை. விண்ணப்பங்களை நேரிலோ அல்லது தபால் மூலமோ சமர்ப்பிக்கலாம்.