இன்னும் 2 நாள் தான்.. 14,967 காலிப் பணியிடங்கள்! கேந்திரிய வித்யாலயா, நவோதயா பள்ளிகளில் வேலைவாய்ப்பு!

சென்னை: மத்திய அரசின் நேரடி கட்டுப்பாட்டில் நாடு முழுவதும் செயல்பட்டு வரும் கேந்திரிய வித்யாலயா மற்றும் நவோதயா வித்யாலயா பள்ளிகளில் இந்த ஆண்டுக்கான பெருமளவிலான காலிப்பணியிடங்கள் அறிவிக்கப்பட்டுள்ளன. மத்திய இடைநிலைக் கல்வி வாரியம் (CBSE), கேந்திரிய வித்யாலயா சங்கதன் (KVS), நவோதயா வித்யாலயா சமிதி (NVS) ஆகியவை இணைந்து வெளியிட்டுள்ள அறிவிப்பில், மொத்தம் 14,967 ஆசிரியர் மற்றும் ஆசிரியர் அல்லாத பணியிடங்கள் நிரப்பப்பட உள்ளதாக தெரிவிக்கப்பட்டுள்ளது. இப்பணியிடங்களுக்கான விண்ணப்பங்கள் டிசம்பர் 4 வரை ஆன்லைனில் மட்டுமே ஏற்கப்படுகின்றன. இப்பணியிடங்களுக்க் விண்ணப்பிக்க இன்னும் 2 நாட்கள் மட்டுமே உள்ளது.

இந்த அறிவிப்பில் உள்ளபடி, கேந்திரிய வித்யாலயாவில் 9,126 காலியிடங்களும், நவோதயா பள்ளிகளில் 5,841 காலியிடங்களும் உள்ளன. இதில் 13,008 பணியிடங்கள் PRT, TGT, PGT, முதல்வர், துணை முதல்வர், நூலகர் உள்ளிட்ட ஆசிரியர் பிரிவைச் சேர்ந்தவை.

அடுத்ததாக 1,959 பணியிடங்கள் நிர்வாக அலுவலர், உதவி ஆணையர், நிதி அலுவலர், உதவி பிரிவு அலுவலர், பொறியாளர், மொழிபெயர்ப்பாளர், ஸ்டெனோ உள்ளிட்ட ஆசிரியர் அல்லாத பிரிவுகளாகும்.

10ஆம் வகுப்பு முதல் டிகிரி, அதற்கு மேல் இருக்கும்படி தகுதிகள் வகைப்படுத்தப்பட்டுள்ளன. பல்வேறு மாநிலங்களில் KVS, NVS ஆகியவை போதுமான பணியாளர்கள் இல்லாததால், இந்த ஆண்டு 57 புதிய கேந்திரிய வித்யாலயா பள்ளிகளையும் தொடங்க மத்திய அரசு ஒப்புதல் அளித்துள்ளது. இதனையடுத்து பெரிய அளவில் காலிப்பணியிடங்கள் நிரப்ப தீர்மானிக்கப்பட்டுள்ளது.

ஆசிரியர் பணியிடங்களில் முதலிடம் பெறுவது PGT, TGT, PRT பிரிவுகள். PGT பிரிவில் 2,996 காலியிடங்களும், TGT பிரிவில் 6,362 இடங்களும், தொடக்கப் பள்ளி ஆசிரியர்களுக்கான PRT பிரிவில் 3,365 இடங்களும் உள்ளன. இதனுடன் இசை, கலை, உடற்கல்வி, கணினி அறிவியல், சிறப்பு கல்வி போன்ற பிரிவுகளிலும் நூற்றுக்கணக்கான வாய்ப்புகள் அறிவிக்கப்பட்டுள்ளன. தமிழிலும் சில பணியிடங்கள் இந்த அறிவிப்பில் செறிவாக இடம்பெற்றுள்ளன.

நிர்வாகப் பணியிடங்களில் உதவி ஆணையர், நிர்வாக அலுவலர், நிதி அலுவலர், உதவி பிரிவு அலுவலர், ஜூனியர்/சீனியர் செயலக உதவியாளர், ஸ்டெனோகிராபர், ஆய்வக உதவியாளர், MTS போன்ற பணியிடங்களும் இடம்பெற்றுள்ளன. சம்பளமும் ரூ.18,000 முதல் ரூ.2,09,200 வரை பதவிக்கேற்ப வழங்கப்படும்.

வயது வரம்பில் மத்திய அரசு விதிகளின்படி தளர்வும் வழங்கப்படுகிறது. SC/ST பிரிவினருக்கு 5 ஆண்டு, OBC பிரிவினருக்கு 3 ஆண்டு, பெண்கள் மற்றும் மாற்றுத்திறனாளிகளுக்கு 10 ஆண்டுகள் தளர்வு உள்ளது.

அனைத்து பணியிடங்களும் கணினி வழித் தேர்வு (CBT) மூலம் தேர்வு செய்யப்படுகின்றன. இதற்கான தேர்வு அனுமதிச் சீட்டு டிசம்பர் மாதத்திலேயே வெளியாகும். தேர்வுகள் ஜனவரி - பிப்ரவரி மாதங்களில் நடைபெறும்.

விண்ணப்பக் கட்டணம் ரூ.500 என நிர்ணயம் செய்யப்பட்டுள்ள நிலையில், தேர்வு கட்டணம் பதவியின் அடிப்படையில் மாறுபடுகிறது, முதல்வர் பணிக்கு ரூ.2300, ஆசிரியர் பணிக்கு ரூ.1500, ஆசிரியர் அல்லாத பணியிடங்களுக்கு ரூ.1200 எனவும் நிர்ணயிக்கப்பட்டுள்ளது. விண்ணப்பிக்க விரும்புவோர் CBSE, KVS, NVS ஆகியவற்றின் அதிகாரப்பூர்வ இணையதளங்களான cbse.gov.in, kvsangathan.nic.in, navodaya.gov.in ஆகியவற்றில் சென்று ஆன்லைனில் விண்ணப்பிக்கலாம். மேலும், விண்ணப்பிப்பதற்கு முன் கல்வி தகுதி, வயது வரம்பு, ஒதுக்கீடு ஆகியவற்றையும் கவனிப்பது அவசியம்.

English summary

KVS and NVS have announced 14,967 teacher and non-teacher vacancies across India. Online applications close in two days. Check eligibility, age limit, salary, and selection process before applying.