டிகிரி முடித்தவர்களா நீங்க.. எல்ஐசியில் சூப்பர் ஜாப்.. கை நிறைய சம்பளம்.. தேதி முடிய போகுது!

சென்னை: எல்ஐசியின் துணை நிறுவனமான எல்ஐசி ஹவுசிங் ஃபைனான்ஸ் லிமிடெட் நிறுவனத்தில் (LIC HFL ) தமிழகம் உள்பட பல்வேறு இடங்களில் காலியாக உள்ள 200 பணியிடங்களை நிரப்ப அறிவிப்பு வெளியாகி இருந்தது. இந்த பணியிடங்களுக்கு விண்ணப்பிக்க இன்னும் 2 நாட்கள் மட்டுமே உள்ளது. எனவே இதுவரை விண்ணப்பிக்காதவர்கள் இந்த வாய்ப்பை பயன்படுத்தி கொள்ளவும்.

மிகப்பெரிய பொதுத்துறை நிறுவனங்களில் ஒன்று இந்திய ஆயுள் காப்பீட்டு கழகம். எல்ஐசி எனப்படும் இந்த ஆயுள் காப்பீட்டு கழகம் மத்திய நிதித்துறை அமைச்சகத்தின் கீழ் செயல்படுகிறது. மிகவும் லாபகரமாக இயங்கும் பொதுத்துறை நிறுவனங்களில் ஒன்றாக எல்ஐசி உள்ளது. எல்ஐசியில் காலியாக உள்ள பணியிடங்கள் அவ்வப்போது உரிய அறிவிப்புகள் வெளியிட்டு நிரப்பப்படுவது வழக்கம்.

அந்த வகையில் தான் தற்போது, எல்ஐசியின் துணை நிறுவனமான எல்ஐசி ஹவுசிங் பினான்ஸ் லிமிடெட் நிறுவனத்தில் காலியாக உள்ள 200 ஜூனியர் அஸ்சிஸ்டன்ட் பணியிடங்களை நிரப்புவதற்கான அறிவிப்பு வெளியாகியது. இந்த பணியிடங்களுக்கு யார் யார் விண்ணப்பிக்கலாம், கல்வி தகுதி என்ன? என்பது உள்ளிட்ட விவரங்களை இங்கே பார்க்கலாம்.

பணியிடங்கள் விவரம்:
1. ஆந்திரப் பிரதேசம் - 12
2. அசாம் - 05
3. சத்தீஸ்கர் - 06
4. குஜராத் - 05
5. ஹிமாச்சல பிரதேசம் - 03
6. ஜம்மு மற்றும் காஷ்மீர் - 01
7. கர்நாடகா - 38

8. மத்திய பிரதேசம் - 12
9. மகாராஷ்டிரா - 53
10. புதுச்சேரி - 01
11. சிக்கிம் - 01
12. தமிழ்நாடு - 10
13. தெலுங்கானா - 37
14. உத்தரப்பிரதேசம் - 17
15. மேற்கு வங்காளம் - 05 என மொத்தம் 200 ஜூனியர் அஸ்சிஸ்டன்ட் பணியிடங்கள் நிரப்பப்படுகின்றன.

கல்வி தகுதி: அங்கீகரிக்கப்பட்ட கல்வி நிலையங்களில் இருந்து ஏதேனும் ஒரு பாடப்பிரிவில் டிகிரி முடித்திருக்க வேண்டும். 60 சதவிகித மதிப்பெண்களுடன் தேர்ச்சி பெற்றிருப்பது அவசியம். கணினி பற்றிய அறிவு கட்டாயம். அதாவது, பள்ளி அல்லது கல்லூரியில் கணினி குறித்த பாடப்பிரிவை ஏதேனும் ஒரு பாடமாக படித்து இருக்க வேண்டும். பணி அனுபவம் உள்ளவர்களுக்கு முன்னுரிமை உண்டு. கல்வி தகுதி பற்றிய முழுமையான விவரங்களை தேர்வு அறிவிப்பில் விண்ணப்பதாரர்கள் பார்த்து தெரிந்து கொள்ளலாம்.

வயது வரம்பு: 21 வயது நிரம்பியவர்களும் 28 வயது பூர்த்தியாகாதவர்களும் இந்த பணியிடங்களுக்கு விண்ணப்பிக்கலாம். அதாவது, 01.7.2024 தேதிப்படி, 02.17.1996 க்கு முன்போ 01.7.2003-க்கு பிறகோ பிறந்தவர்கள் விண்ணப்பிக்க முடியாது.

சம்பளம் எவ்வளவு?: சம்பளத்தை பொறுத்தவரை மாதம் ரூ.32,000 - 35,000 வரை வழங்கப்படும். பணி செய்யும் நகரத்திற்கு ஏற்ப இந்த சம்பளத்தில் மாற்றம் இருக்கும்.

தேர்வு முறை: எழுத்து தேர்வு, நேர்முகத்தேர்வு அடிப்படையில் தகுதியான விண்ணப்பதாரர்கள் தேர்வு செய்யப்படுவார்கள். நாடு முழுவதும் முக்கிய நகரங்களில் தேர்வு மையங்கள் அமைக்கப்படும். தமிழகத்தை பொறுத்தவரை சென்னை, மதுரை, கோவை, நாகர்கோவில், நெல்லை, தஞ்சாவூர் ஆகிய நகரங்களில் தேர்வு நடைபெறும்.

எப்படி விண்ணப்பிப்பது?: ஆர்வமும் தகுதியும் உள்ள விண்ணப்பதாரர்கள் இந்த பணியிடங்களுக்கு ஆன்லைன் மூலமாக விண்ணப்பிக்கலாம். https://www.lichousing.com/ என்ற இணையதளத்தில் கேட்கப்பட்டுள்ள விவரங்களை அளித்து விண்ணப்பத்தை சமர்ப்பிக்க வேண்டும். விண்ணப்ப கட்டணமாக ரூ.800 செலுத்த வேண்டும். ஆன்லைன் மூலமாகவே விண்ணப்ப கட்டணத்தை செலுத்த வேண்டும்.

விண்ணப்பிக்க கடைசி தேதி: விண்ணப்பிக்க வரும் 14.08.2024 கடைசி நாளாகும். இன்னும் இரண்டு நாட்கள் மட்டுமே இருப்பதால் இதுவரை விண்ணப்பிக்காதவர்கள் விண்ணப்பித்து கொள்ளவும். விண்ணப்பதாரர்கள் ஹால் டிக்கெட்டை தேர்வு நடைபெறுவதற்கு 7 முதல் 14 நாட்களுக்குள் டவுன்லோட் செய்து கொள்ளலாம்.

ஆன்லைன் வழியாகவே இந்த தேர்வு நடைபெறும். தேர்வை பொறுத்தவரை செப்டம்பர் மாதம் நடத்தப்படலாம் என உத்தேச தகவல் வெளியிடப்பட்டு இருக்கிறது. தேர்வு அறிவிப்பினை தெரிந்து கொள்ள இந்த லிங்கை https://www.lichousing.com/static-assets/pdf/Detailed_Advertisement_Recruitment_of_Junior_Assistants_2024.pdf?crafterSite=lichfl-corporate-website-cms&embedded=true கிளிக் செய்யவும்.

English summary

LIC Housing Finance Limited (LIC HFL), a subsidiary of LIC, has announced to fill 200 vacant posts in various places including Tamil Nadu. Only 2 days left to apply for these posts. So those who have not yet applied please take advantage of this opportunity.