எந்த டிகிரி படித்திருந்தாலும் ஓகே.. ரூ 60000 சம்பளத்தில் மத்திய அரசு வேலை ரெடி.. மிஸ் பண்ணாதீங்க!

Updated: Tuesday, September 7, 2021, 14:05 [IST]

Subscribe to Oneindia Tamil

சென்னை: நியூ தமிழ்நாடு அஸ்யூரன்ஸ் நிறுவனத்தில் காலியாக உள்ள 300 நிர்வாக அதிகாரி காலியிடங்களை நிரப்புவது குறித்த அறிவிப்பு வெளியாகியுள்ளது.

இந்தியாவில் மத்திய அரசுக்குச் சொந்தமாக நியூ இந்தியா அஸ்யூரன்ஸ், யுனைடட் இந்தியா இன்சூரன்ஸ், ஓரியண்டல் இன்சூரன்ஸ், நேஷனல் இன்சூரன்ஸ் என மொத்தம் நான்கு முக்கியமான இன்சூரன்ஸ் நிறுவனங்கள் உள்ளன.

அதில் மகாராஷ்டிராவைத் தலைமையிடமாகக் கொண்டு செயல்பட்டு வரும் நியூ இந்தியா அஸ்யூரன்ஸ் நிறுவனத்தின் காலியாக உள்ள பணிகளை நிரப்புவது குறித்து அறிவிப்பு வெளியாகியுள்ளது.

300 காலி இடங்கள்

மொத்தம் 300 பொது நிர்வாக அதிகாரி பணியிடங்களை நிரப்புவது குறித்த அறிவிப்பு இப்போது வெளியாகியுள்ளது. இதற்குத் தகுதியும் விருப்பும் உடையவர்கள் விண்ணப்பிக்கலாம். இறுதியாண்டு படிக்கும் மாணவர்களும் இதில் விண்ணப்பிக்கலாம் என அறிவிக்கப்பட்டுள்ள நிலையில், விருப்பமுடையவர்கள் http://newindia.co.in/ என்ற தளத்தில் ஆன்லைன் மூலம் விண்ணப்பிக்கலாம்.

மொத்த காலியிடங்கள் - நிர்வாக அதிகாரி (பொது) 300

கல்வித் தகுதி

கல்வித் தகுதி: அங்கீகரிக்கப்பட்ட பல்கலைக்கழகத்தில் எதாவது ஒரு பாடப்பிரிவில் குறைந்தது இளங்கலை பட்டம் பெற்றிருக்க வேண்டும். அதேபோல இறுதியாண்டு படிக்கும் மாணவர்களும் இந்த தேர்வுக்கு விண்ணப்பிக்கலாம். ஆனால், நேர்முகத் தேர்வுக்கு அழைக்கப்படும்போது, டிகிரி முடித்த சான்றிதழைச் சமர்ப்பித்தால் மட்டும், அவர்கள் கணக்கில் எடுத்துக்கொள்ளப்படுவார்கள் எனத் தெரிவிக்கப்பட்டுள்ளது.