நல்ல சம்பளம்! ஐடி வேலை வேண்டுமா? மதுரையில் பணி செய்ய அசத்தலான வாய்ப்பு! அழைக்கும் எச்சிஎல்

மதுரை: மதுரையில் செயல்பட்டு வரும் எச்சிஎல் நிறுவனத்தில் ஆட்சேர்ப்பு நடத்தப்பட உள்ளது. இதற்கான அறிவிப்பு தற்போது வெளியான நிலையில் தகுதி மற்றும் விருப்பம் உள்ளவர்கள் விண்ணப்பம் செய்து பணியை பெற நல்ல வாய்ப்பு உருவாகி உள்ளது.

இந்தியாவை தலைமையிடமாக கொண்டு உலகம் முழுவதும் எச்சிஎல் நிறுவனம் செயல்பட்டு வருகிறது. உலகில் உள்ள தகவல் தொழில்நுட்ப நிறுவனங்களில் முன்னணியில் எச்சிஎல் உள்ளது. உத்தர பிரதேச மாநிலம் நொய்டாவில் எச்சிஎல் நிறுவனத்தின் தலைமை அலுவலகம் அமைந்துள்ளது.

தமிழ்நாட்டில் சென்னை, கோவை, மதுரை, திருச்சி உள்ளிட்ட பல இடங்களில் எச்சிஎல் நிறுவனம் செயல்பட்டு வருகிறது. இந்நிலையில் தான் மதுரை எச்சிஎல் நிறுவனத்தில் காலியாக உள்ள பணியிடத்தை நிரப்புவதற்கான அறிவிப்பு வெளியாகி உள்ளது. அதன் விபரம் வருமாறு:

மதுரை எச்சிஎல் நிறுவனத்தில் தற்போது டெக்னீக்கல் லீட் (Technical Lead) பணிக்கு ஆட்சேர்ப்பு நடைபெற உள்ளது. இந்த பணிக்கு விண்ணப்பம் செய்ய விரும்புவோர் பிடெக் படிப்பை முடித்திருக்க வேண்டும். மேலும் பணியில் குறைந்தபட்சம் 5 ஆண்டும், அதிகபட்சமாக 9 ஆண்டும் அனுபவம் கொண்டிருக்க வேண்டும்.

விண்ணப்பம் செய்வோர் PMO Operations கீழ் பில்லிங், ரிசோர்ஸ் ஆன்-போர்டிங் மற்றும் செயல்திட்டம் உருவாக்குவதில் அனுபவம் கொண்டிருக்க வேண்டும். நன்றாக உரையாடும் திறன் கொண்டிருக்க வேண்டும். அதோடு டீமில் உள்ளவர்களின் பணியை கண்காணித்து குறித்த நேரத்தில் பணியை முடித்து வழங்குவதில் திறன் பெற்றிருக்க வேண்டும்.

தகுதி மற்றும் விருப்பம் உள்ளவர்கள் www.hcltech.com இணையதளத்தில் சென்று விண்ணப்பம் செய்ய வேண்டும். பணிக்கு விண்ணப்பம் செய்வதற்கான கடைசி தேதி என்ன என்பது அதிகாரப்பூர்வ அறிவிப்பில் குறிப்பிடப்படவில்லை. இருப்பினும் விருப்பம் உள்ளவர்கள் முன்கூட்டியே விண்ணப்பம் செய்ய வேண்டும்.

இவ்வாறு விண்ணப்பம் செய்வோர் முதலில் ஷார்ட் லிஸ்ட் செய்யப்படுவார்கள். அதன்பிறகு டெக்னீக்கல் இன்டர்வியூ, எச்ஆர் இன்டர்வியூ ஆகியவற்றுக்கு பணிக்கு நியமனம் செய்யப்பட உள்ளனர் என்பதும், தற்போதைய அறிவிப்பின்படி டெக்னீக்கல் லீட் பணிக்கு ஒருவர் மட்டுமே தேர்வு செய்யப்பட உள்ளனர் என்பதும் குறிப்பிடத்தக்கது.

பணி தொடர்பான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

Recruitment is going to be conducted in HCL company operating in Madurai. Now that the notification has been released, there is a good opportunity for those who are eligible and willing to apply and get the job.