மத்திய உளவுத்துறையில் வேலை.. ரூ.1,42,000 வரை சம்பளம்! 226 பணியிடங்கள்! கல்வி தகுதி என்ன? முழு விவரம்

சென்னை: மத்திய உள்துறை அமைச்சகத்தின் கீழ் இயங்கும் உளவுத்துறையில் (IB) காலியாக உள்ள 226 பணியிடங்களை நிரப்புவதற்கான அறிவிப்பு வெளியாகியுள்ளது. இது குறித்த தெளிவான விவரங்களை பார்க்கலாம்.

மத்திய உள்துறை அமைச்சகத்தின் கீழ் செயல்படும் உளவுத்துறையில் காலியாக உள்ள பணியிடங்கள் அவ்வப்போது முறையான அறிவிப்புகளுடன் நிரப்பப்பட்டு வருகின்றன. அந்த வகையில், உளவுத்துறையில் காலியாக இருக்கும் டெக்னிக்கல் பணிக்கான காலிப்பணியிடங்களை நிரப்புவது குறித்த அறிவிப்பு வெளியாகியுள்ளது. இந்த பணிகளுக்கான கல்வி தகுதி வயது, வரம்பு உள்ளிட்ட விவரங்களை பார்க்கலாம்.

பணியிடங்கள் விவரம்: கணினி அறிவியல் & தகவல் தொழில்நுட்பம் - 79 பணியிடங்கள், எலக்ட்ரானிக்ஸ் & கம்யூனிகேஷன் - 147 பணியிடங்கள் என மொத்தம் 226 பணியிடங்களை நிரப்புவதற்கான அறிவிப்பு வெளியாகியுள்ளது.

கல்வி தகுதி: எலக்ட்ரானிக் & கம்யூனிகேஷன் கேட் ( GATE code: EC , CS 2021,2022 அல்லது 2023) மற்றும் கம்ப்யூட்டர் சயின்ஸ் & தகவல் தொழில் நுட்பம் ஆகிய இன்ஜினியரிங் பிரிவில் உயர் படிப்புகளுக்காக நடத்தப்படும் நுழைவுத்தேர்வில் தகுதியான கட் ஆஃப் பெற்றிருக்க வேண்டும். கூடுதலாக அங்கிகரிக்கப்பட்ட கல்வி நிலையங்களில் இருந்து பிஇ அல்லது பிடெக் முடித்து இருக்க வேண்டும்.

எலக்ட்ரானிக்ஸ், கம்யூனிகேஷன்ஸ் அல்லது கம்ப்யூட்டர் சயின்ஸ்சில் முதுகலை டிகிரி உள்ளிட்ட படிப்புகளை முடித்திருக்க வேண்டும். கல்வி தகுதி குறித்த விரிவான மற்றும் தெளிவான விவரங்களை விண்ணப்பதாரர்கள் தேர்வு அறிவிப்பில் பார்த்து தெரிந்து கொள்ளலாம்.

வயது வரம்பு & சம்பளம்: வயது வரம்பை பொறுத்தவரை 18 வயது முதல் 27 வயதுக்கு உள்பட்டவர்கள் விண்ணப்பிக்கலாம். அரசு விதிகளின் படி வயது வரம்பில் தளர்வுகள் உண்டு. அதாவது ஒபிசி பிரிவினருக்கும் 3 ஆண்டுகளும் எஸ்.சி/எஸ்.டி பிரிவினருக்கு 5 ஆண்டுகளும் தளர்வுகள் உண்டு. சம்பளத்தை பொறுத்தவரை ரூ.44,900 - 1,42,000 வரை வழங்கப்படும்.

தேர்வு முறை: கேட் நுழைவுத்தேர்வில் பெற்ற மதிப்பெண்கள் அடிப்படையில் தகுதியான விண்ணப்பதாரர்கள் தேர்வு செய்யப்படுவார்கள். 1 பதவிக்கு 10 விண்ணப்பதாரர்கள் தேர்வு செய்யப்பட்டு நேர்முகத்தேர்வு நடைபெறும். நேர்முகத்தேர்வில் பெறும் மதிப்பெண்கள் அடிப்படையில் விண்ணப்பதாரர்கள் பணிக்கு தேர்வு செய்யப்படுவார்கள்.

விண்ணப்பிப்பது எப்படி?: தகுதியும் ஆர்வமும் உள்ள விண்ணப்பதாரர்கள் https://www.mha.gov.in என்ற உள்துறை அமைச்சகத்தின் மூலமாக விண்ணப்பிக்கலாம். தேர்வு நடைமுறை கட்டணமாக ரூ.100 கட்டணம் விண்ணப்பிக்கும் அனைவரும் செலுத்த வேண்டும். அதுபோக பொதுப்பிரிவு மற்றும் ஒபிசி EWS பிரிவினர் தேர்வுக் கட்டணமாக கூடுதலாக ரூ.100 செலுத்த வேண்டும்.

விண்ணப்பிக்க கடைசி நாள்: விண்ணப்பிக்க வரும் 12-1-2024- கடைசி நாளாகும். தேர்வுக்கு விண்ணப்பிகும் முன்பாக தேர்வு குறித்த அறிவிப்பினை தெளிவாக படித்து தெரிந்து கொள்ளவும். தேர்வு அறிவிப்பை படிக்க https://cdn.digialm.com//per/g01/pub/726/EForms/image/ImageDocUpload/12/1114316788537372830543.pdf என்ற இணையதள லிங்கை கிளிக் செய்யவும்.

English summary

Notification for filling 226 vacant posts in Intelligence Bureau (IB) under Union Ministry of Home Affairs has been released. Check out the clear details about it.