கைநிறைய சம்பளம்.. இந்திய ரிசர்வ் வங்கியில் வேலைவாய்ப்பு! வெளியான அறிவிப்பு.. விண்ணப்பிப்பது எப்படி?

டெல்லி: இந்திய ரிசர்வ் வங்கியில் (RBI) முழுநேர ஒப்பந்த அடிப்படையில் பணியாற்ற கிரேடு 'சி', 'டி' மற்றும் 'இ' பிரிவுகளில் மொத்தம் 93 காலியிடங்களுக்கு வேலைவாய்ப்பு அறிவிப்பு வெளியிடப்பட்டுள்ளது. இதற்கான அறிவிப்பை இந்திய ரிசர்வ் வங்கி சேவை வாரியம் வெளியிட்டுள்ளது. தகுதி உள்ளவர்கள் ஆன்லைன் மூலம் விண்ணப்பிக்கலாம். விண்ணப்பிக்க கடைசி நாள் 6.1.2026 என அறிவிக்கப்பட்டுள்ளது.

இந்த வேலைவாய்ப்புகள் முக்கியமாக தகவல் தொழில்நுட்பம், ரிஸ்க் மேனேஜ்மெண்ட், கணக்கியல் மற்றும் வங்கி மேற்பார்வை போன்ற துறைகளில் உள்ளன. Data Scientist, Data Engineer, Cyber Security Analyst, IT System Administrator, Project Manager, Market Risk Specialist போன்ற பணியிடங்கள் இதில் அடங்கும்.

இந்திய ரிசர்வ் வங்கி சேவைகள் வாரியம் வெளியிட்டுள்ள அறிவிப்பின் படி, Department of Information Technology (DIT), Premises Department மற்றும் Department of Supervision (DoS) ஆகிய துறைகளில் இந்த நியமனங்கள் நடைபெறுகின்றன. ஒவ்வொரு துறையிலும் பல்வேறு சிறப்பு பிரிவுகளுக்கான பணியிடங்கள் அறிவிக்கப்பட்டுள்ளன. தகவல் தொழில்நுட்பத்துடன் தொடர்புடைய பணியிடங்கள் அதிக அளவில் இருப்பது குறிப்பிடத்தக்கது.

ஒவ்வொரு பதவிக்கும் தனித்தனியான பொறுப்புகள் இருக்கும். குறிப்பாக AI/ML Specialist, Cyber Security Analyst, Risk Analyst, Banking Domain Specialist, Data Analyst, Bank Examiner போன்ற பணியிடங்கள் வங்கியின் முக்கிய செயல்பாடுகளில் நேரடியாக ஈடுபடும் பணிகளாகும்.

யார் விண்ணப்பிக்கலாம்?

இந்தப் பணியிடங்களுக்கு விண்ணப்பிக்க விரும்புபவர்கள், பொறியியல் துறை அல்லது தொடர்புடைய துறையில் B.E., B.Tech., B.Sc., M.Sc., M.A. அல்லது CA போன்ற கல்வித் தகுதி பெற்றிருக்க வேண்டும். மேலும், தொடர்புடைய துறையில் பணி அனுபவமும் அவசியமாகும். அனுபவம் இல்லாமல் விண்ணப்பிக்க முடியாது.

வயது வரம்பு

6.1.2026 தேதியின்படி, பதவியின் தன்மையைப் பொறுத்து 27 முதல் 40 வயது வரை அல்லது 30 முதல் 45 வயது வரை இருக்க வேண்டும். ஒவ்வொரு பதவிக்கும் வயது வரம்பு மாறுபடும்.

எப்படி தேர்வு செய்வார்கள்?

விண்ணப்பித்தவர்களில் தகுதி பெற்றவர்கள், எழுத்துத் தேர்வு, சான்றிதழ்கள் சரிபார்ப்பு, நேர்முகத் தேர்வு, மூலம் இறுதியாக தேர்வு செய்யப்படுவர்.

விண்ணப்பிக்கும் முறை

விண்ணப்பம் www.rbi.org.in இணையதளம் மூலம் ஆன்லைனில் மட்டுமே சமர்ப்பிக்க வேண்டும்.

விண்ணப்பக் கட்டணம்

பொது விண்ணப்பதாரர்களுக்கு ரூ.600. SC/ST விண்ணப்பதாரர்களுக்கு ரூ.100. கட்டணம் ஆன்லைன் மூலம் செலுத்த வேண்டும்.

கடைசி தேதி

ஆன்லைனில் விண்ணப்பிப்பதற்கான கடைசி நாள் 6.1.2026. மேலும் முழுமையான விவரங்கள் மற்றும் அதிகாரப்பூர்வ அறிவிப்பை https://opportunities.rbi.org.in/Scripts/bs_viewcontent.aspx?Id=4799 என்ற லிங்கில் பார்க்கலாம்.

English summary

The Reserve Bank of India has announced 93 contractual vacancies under Grade C, D and E categories in IT, Risk Management, Accounting and Banking Supervision departments. Eligible candidates can apply online through rbi.org.in on or before January 6, 2026.