ரயில்வே வேலைதான் லட்சியமா? தேர்வர்கள் எதிர்பார்த்த அறிவிப்பு.. 2026 ஆண்டு அட்டவணை வந்தாச்சு

சென்னை: ரயில்வே பணிகளுக்காக ஆர்.ஆர்.பி எனப்படும் ரயில்வே தேர்வு வாரியம் உரிய அறிவிப்புகள் வெளியிட்டு தேர்வுகளை நடத்தி ஆட்சேர்ப்பு பணிகளை நடத்துகிறது. ஆர்.ஆர்பி நடத்தும் இந்த போட்டி தேர்வுகளுக்கு தேர்வர்கள் முன்கூட்டியே தயாராகும் வகையில், 2026 ஆம் ஆண்டுக்கான தேர்வு அட்டவணை (RRB Exam Calendar) தற்போது வெளியிடப்பட்டுள்ளது.

நாட்டின் மிகப்பெரிய பொதுத்துறை நிறுவனமாக உள்ள இந்தியன் ரயில்வேயில் பல லட்சக்கணக்கான ஊழியர்கள் வேலை செய்து வருகிறார்கள். ரயில்வேயில் லோகோ பைலட், டிக்கெட் பரிசோதகர், டிக்கெட் கிளர்க், ஸ்டேஷன் மாஸ்டர் உள்ளிட்ட பல்வேறு பணியிடங்கள் அவ்வப்போது உரிய அறிவிப்புகள் வெளியிடப்பட்டு வருகின்றன.

ரயில்வே தேர்வு ஆண்டு அட்டவணை

ரயில்வேயில் பணியாற்றும் ஊழியர்களுக்கு கை நிறைய சம்பளம், சலுகைகள் கிடைக்கும். பணி பாதுகாப்பு கிடைக்கும் என்பதால், ரயில்வேயில் வேலை பார்க்க வேணும் என்ற கனவுடன் பல லட்சக்கணக்கான தேர்வர்கள், ரயில்வே நடத்தும் போட்டித்தேர்வுக்கு தயாராகி வருகிறார்கள். ரயில்வேயை பொறுத்தவரை தேர்வர்கள் தேர்வுக்கு தயராகுவதற்கு அடுத்த ஆண்டு என்னென்ன தேர்வுகள் நடத்தப்படும் என்பதற்கான ஆண்டு அட்டவணை Annual planner வெளியிடப்படுவது வழக்கம்.

லோகோ பைலட் பணி

அந்த வகையில், 2026 ஆம் ஆண்டுக்கான தேர்வு அட்டவண வெளியிடப்பட்டுள்ளது. எந்தெந்த தேர்வுகள் எப்போது அறிவிக்கப்படும் என்ற விவரம் இதில் அடங்கியிருக்கும். இதன்படி, உதவி லோகோ பைலட் பணிக்கான அறிவிப்பு பிப்ரவரி மாதம் வெளியிடப்படும் என்று அறிவிக்கப்பட்டுள்ளது.

* டெக்னிஷியன் பணிக்கு மார்ச் மாதம் அறிவிப்பு வெளியாக உள்ளது.
* செக்‌ஷன் கண்ட்ரோலர் பணிக்கு ஏப்ரல் மாதம் அறிவிப்பு வெளியாக உள்ளது.
* பாரமெடிக்கல் பிரிவு பணிகளுக்கு ஜூலை மாதம் அறிவிப்பு வெளியாக உள்ளது.
* ஜூனியர் என்ஜினியர் பணிக்கு ஜூலை மாதம் அறிவிப்பு வெளியாக உள்ளது.

குரூப் டி எப்போது?

* ரயில்வே நான் டெக்னிக்கல் பாப்புலர் கேட்டகிரிஸ் (என்.டி.பி.சி- பட்டப்படிப்பு) ஆகஸ்ட் மாதம் அறிவிப்பு வெளியாக உள்ளது.
* அமைச்சகம் & Isolated Categories- செப்டம்பர் மாதம் அறிவிப்பு வெளியாகும் என் எதிஎர்பார்க்கப்படுகிறது
* குரூப் டி லெவல் 1: அக்டோர் மாதம் அறிவிப்பு வெளியாகும்.
ரயில்வே நடத்தும் தேர்வுகளில் அதிக எண்ணிக்கையில் காலிப்பணியிடங்கள் குரூப் டி-யில்தான் அறிவிக்கப்படும் என்பது குறிப்பிடத்தக்கது.

English summary

RRB Exam Calendar: The Railway Recruitment Board (RRB) conducts recruitment examinations for various railway posts through official notifications. To help candidates prepare in advance, the RRB has now released the examination schedule for the year 2026.