தமிழ்நாடு மெர்க்கன்டைல் வங்கியில் வேலை.. டிகிரி முடிச்சிருக்கீங்களா? செம சான்ஸ்! அப்ளை பண்ணுங்க

சென்னை: தமிழ்நாடு மெர்க்கன்டைல் வங்கியில் வேலைவாய்ப்பு அறிவிக்கப்பட்டுள்ளது. வேளாண்மை அதிகாரி பணியிடங்கள் நிரப்பப்படுகிறது. கடந்த 27 ஆம் தேதி முதல் இந்த பணியிடங்களுக்கு விண்ணப்பதாரர்கள் விண்ணப்பித்து வருகிறார்கள். ஆர்வமும் தகுதியும் உள்ள விண்ணப்பதாரர்கள் உடனே விண்ணப்பிக்கவும். இதற்கான தகுதிகள் என்னென்ன என்பதை இங்கு பார்க்கலாம்.

தமிழகத்தின் தூத்துக்குடியை தலைமையிடமாக கொண்டு இயங்கும் வங்கி தமிழ்நாடு மெர்க்கன்டைல் வங்கி. நாடு முழுவதும் நூற்றுக்கணக்கான கிளைகளுடன் இந்த வங்கி இயங்கி வருகிறது. மெர்க்கன்டைல் வங்கியில் ஏற்படும் காலிப்பணியிடங்கள் அவ்வப்போது உரிய அறிவிப்புகள் வெளியிடப்பட்டு நிரப்பப்படுகின்றன. அந்த வகையில் தற்போது காலியாக உள்ள வேளாண்மை அதிகாரி பணியிடங்களை நிரப்ப அறிவிப்பு வெளியிடப்பட்டுள்ளது. இந்த பணியிடங்களுக்கு யாரெல்லாம் விண்ணப்பிக்கலாம். கல்வித் தகுதி என்ன? என்ற விவரங்களை பார்க்கலாம்.

கல்வித் தகுதி: வேளாண்மை அதிகாரி பணியிடத்திற்கு வேளாண்மை, தோட்டக்கலைத்துறை, கால்நடை பராமரிப்பு / கால்நடை அறிவியல் உள்ளிட்ட ஏதேனும் ஒரு பாடப்பிரிவில் டிகிரி முடித்து இருக்க வேண்டும். 50 சதவிகித மதிப்பெண்களுடன் பட்டம் பெற்று இருக்க வேண்டும். கூடுதலாக வங்கி அல்லது நிதி நிறுவனத்தில் மூன்று ஆண்டுகள் பணி புரிந்து இருக்க வேண்டும்.

வயது வரம்பு: விண்ணப்பதாரர்கள் அதிகபட்ச வயது வரம்பு 30 ஆகும். தேர்வு முறையை பொறுத்தவரை தகுதியான விண்ணப்பங்கள் பரிசீலிக்கப்பட்டு நேர்முகத் தேர்வுக்கு அழைக்கப்படுவார்கள். நேர்முகத் தேர்வு நேரடியாகவோ அல்லது வீடியோ கான்பரன்சிங் வாயிலாகவோ நடைபெறும்.

விண்ணப்பிப்பது எப்படி?: தேவையான கல்வி தகுதி மற்றும் அனுபவம் இருப்பவர்கள் http://www.tmbnet.in/tmb_careers/ என்ற இணையதளம் வாயிலாக விண்ணப்பிக்க வேண்டும். ஆன்லைன் பதிவு தொடங்கிய நாள்: 27.01.2025 ஆகும். இந்த தேர்வுக்கு விண்ணப்பிக்க கடைசி நாள்: 09.02.2025 ஆகும்.

பிற விவரம்: தேர்வு செய்யபடும் விண்ணப்பதாரர்கள் இந்தியாவில் எங்கு வேண்டுமானாலும் பணியில் அமர்த்தப்படுவார்கள். தேர்வு செய்யப்படும் பணியாளர்கள், நவீன வேளாண்மையை கடைபிடிக்க வலியுறுத்துவதோடு, ஊக்குவிக்கும் பணியை மேற்கொள்ள வேண்டும். விவசாயிகளுக்கு உள்ள சலுகைள், நிதி உதவி, கடன் திட்டங்கள் பற்றி எடுத்து விளக்க வேண்டியிருக்கும். கிசான் கிரெடிட் கார்டுகள், பயிர்க் கடன்கள் பெற தொகுதியான விவசாயிகளை மதிப்பிட வேண்டும். அரசின் திட்டங்கள், நபார்டு வழிமுறைகள் உள்ளிட்டற்றை நன்கு தெரிந்து வைத்து இருக்க வேண்டும்.

தேர்வு அறிவிப்பினை படிக்க: https://www.tmbnet.in/tmb_careers/doc/ADV_AGL20242501.pdf

English summary

Tamil Nadu Mercantile Bank has announced a recruitment. The posts of Agriculture Officer are being filled. Candidates have been applying for these posts since the 27th. Interested and eligible candidates should apply immediately. Here is a list of the qualifications for this post.