கைநிறைய சம்பளம்.. 10, 12ம் வகுப்பு டிகிரி, டிப்ளமோ முடித்தவர்களா நீங்கள்? தமிழக அரசில் சூப்பர் வேலை
சென்னை: தமிழ்நாடு நலன் மற்றும் பெண்களுக்கான அதிகாரமளித்தல் துறையில் காலியாக உள்ள 274 பணியிடங்களை நிரப்புவதற்கான அறிவிப்பு வெளியாகி உள்ளது. இந்த பணிக்கு எழுத்து தேர்வு இன்றி நேர்க்காணல் முறையில் ஆட்கள் தேர்வு செய்யப்பட உள்ளனர்.
தமிழ்நாடு நலன் மற்றும் பெண்களுக்கான அதிகாரமளித்தல் (Tamil Nadu Welfare and Women Empowerment Department) துறை தனியாக செயல்பட்டு வருகிறது. இந்த துறையில் காலியாக உள்ள பணியிடங்களை நிரப்புவதற்கான அறிவிப்பு தற்போது வெளியாகி உள்ளது.
இந்த பணிகளுக்கு விண்ணப்பம் செய்வோரில் மொத்தம் 274 பேர் தேர்வு செய்யப்பட உள்ளனர். இவர்களில் 8 பேர் SHEW எனும் பெண்களுக்கு அதிகாரமளிப்பதற்கான மாநில மையத்தில் மற்ற 266 பேரும் DHEW பெண்கள் அதிகாரமளிப்பதற்கான மாவட்ட மையங்களிலும் பணியமர்த்தப்பட உள்ளனர்.
காலியிடங்கள்: தமிழ்நாடு நலன் மற்றும் பெண்களுக்கான அதிகாரமளித்தல் துறையில் மாவட்ட மிஷன் கோ-ஆடினேட்டர், ஜென்டர் ஸ்பெஷலிஸ்ட், பைனான்சியல் லிட்ரசி ஸ்பெஷலிஸ்ட், அக்கவுண்ட் அசிஸ்டென்ட் பணிக்கு ஒருவர், டிஇஓ, மல்டி டாஸ்க்கிங் ஸ்டாப், மாநில மிஷன் கோ-ஆடினேட்டர், ரீசர்ஸ் மற்றும் பயிற்சி ஸ்பேஷலிஸ்ட், ஆபிஸ் அசிஸ்டென்ட் என மொத்தம் 274 பேர் தேர்வு செய்யப்பட உள்ளனர்.
கல்வி தகுதி மாவட்ட மிஷன் கோ-ஆடினேட்டர், ஜென்டர் ஸ்பெஷலிஸ்ட், ஸ்டேட் மிஷன் - கோ ஆடினட்டர் பணிக்கு முதுகலை பட்டப்படிப்பு படித்திருக்க வேண்டும். டிஇஓ, பைனான்சியல் லிட்ரசி ஸ்பெஷலிஸ்ட், ரீசர்ஜ் மற்றும் பயிற்சி ஸ்பெஷலிஸ்ட் பணிக்கு டிகிரி,
அக்கவுண்ட் அசிஸ்டென்ட், ஆபிஸ் அசிஸ்டென்ட் பணிக்கு டிகிரி, டிப்ளமோ படித்தவர்களும், மல்டி டாஸ்க்கிங் ஸ்டாப் பணிக்கு 10, 12ம் வகுப்பு முடித்தவர்களும் விண்ணப்பம் செய்யலாம்.
வயது வரம்பு: மாவட்ட மிஷன் கோ-ஆடினேட்டர், ஜென்டர் ஸ்பெஷலிஸ்ட், மாநில மிஷன் கோ-ஆடினேட்டர் பணிகளுக்கு விண்ணப்பம் செய்வோர் அதிகபட்சமாக 40 வயதுக்குள்ளும், பிற பணிகளுக்கு விண்ணப்பம் செய்வோர் 35 வயதுக்குள்ளும் இருக்க வேண்டும். பணிக்கு விண்ணப்ப கட்டணம் எதுவும் இல்லை.
மாதசம்பளம்: ஸ்டேட் கோ-ஆடினேட்டர் பணிக்கு மாதம் ரூ.52 ஆயிரம், மாவட்ட மிஷன் கோ-ஆடினேட்டர் பணிக்கு ரூ.45 ஆயிரம், ஜென்டர் ஸ்பெஷலிஸ்ட் பணிக்கு ரூ.25 ஆயிரம் முதல் ரூ.35 ஆயிரம், ரீசர்ஜ் மற்றும் பயிற்சி ஸ்பெஷலிஸ்ட், ஸ்பெஷலிஸ்ட் இன் பைனான்சியல் லிட்ரஸி, டிஇஓ, பணிகளுக்கு தலா ரூ.25 ஆயிரம், அக்கவுண்ட் அசிஸ்டென்ட் பணிக்க ரூ.20 ஆயிரம் முதல் ரூ.25 ஆயிரமும், மல்டி டாஸ்க்கிங் ஸ்பாப் பணிக்கு ரூ.10 ஆயிரம் முதல் ரூ.12 ஆயிரமும் சம்பளமாக வழங்கப்படும்.
கடைசி நாள்: தகுதி மற்றும் விருப்பம் உள்ளவர்கள் ஜூலை 26ம் தேதிக்குள் tn.gov.in இணையதளம் மூலம் விண்ணப்பம் செய்ய வேண்டும். பணிகளுக்கு விண்ணப்பம் செய்வோர் கட்டணம் எதுவும் செலுத்த வேண்டியது இல்லை. இவ்வாறு விண்ணப்பம் செய்வோர் எழுத்து தேர்வு இன்றி நேர்க்காணல் முறையில் தேர்வு செய்யப்பட உள்ளனர்.
பணி தொடர்பான அதிகாரப்பூர்வ அறிவிப்பு மற்றும் ஆன்லைனில் விண்ணப்பம் செய்ய Click Here
Click it and Unblock the Notifications
Sign in with Google