TCS-ல் இருந்து வந்த புதிய அறிவிப்பு.. ஆகஸ்ட் 10ம் தேதி இண்டர்வியூ.. சென்னையிலேயே பணி!

சென்னை: சென்னையில் செயல்பட்டு வரும் டிசிஎஸ் ஐடி நிறுவனத்தில் ஜாவா ஃபுல் ஸ்டாக் டெவலப்பர் பணிக்கு ஆகஸ்ட் 10ம் தேதி இன்டர்வியூ நடைபெற உள்ளது. தகுதி மற்றும் விருப்பம் உள்ளவர்கள் இந்த பணிக்கு விண்ணப்பம் செய்யலாம்.

பிரபல ஐடி நிறுவனங்களில் ஒன்றான டாடா கன்சல்டன்சி சர்வீசஸ் (TCS or Tata Consultancy Services) எனும் டிசிஎஸ் சென்னையில் செயல்பட்டு வருகிறது. சென்னை சோழிங்கநல்லூரில் இந்த நிறுவனம் அமைந்துள்ளது. இந்நிலையில் தான் புதிய வேலைவாய்ப்பு குறித்த அறிவிப்பு வெளியாகி உள்ளது.

தற்போதைய அறிவிப்பின்படி டிசிஎஸ் நிறுவனத்தில் ஜாவா ஃபுல் ஸ்டாக் டெவலப்பர் (Java Full Stack Developer) பணிக்கு ஆட்கள் தேர்வு செய்யப்பட உள்ளனர். 12ம் வகுப்பை தொடர்ந்து குறைந்தபட்சம் 3 ஆண்டு கல்லூரி படிப்பில் டிகிரி முடித்தவர்கள் விண்ணப்பம் செய்யலாம். விண்ணப்பம் செய்வோருக்கு சில டெக்னிக்கல் ஸ்கில்ஸ் இருக்க வேண்டும்.

அதன்படி ஜாவா ஸ்பிரிங் புட்(Java Spring Boot), மைக்ரோசர்வீசஸ் (Microservices), ஸ்பிரிங் ப்ரேம் (Spring Frame) உள்ளிட்டவற்றை தெரிந்து வைத்திருக்க வேண்டும். மேலும் மேற்கூறிய பணிக்கு சம்பந்தப்பட்ட துறையில் குறைந்தபட்சம் 5 முதல் அதிகபட்சமாக 9 ஆண்டு பணி அனுபவம் கொண்டவர்கள் விண்ணப்பம் செய்யலாம்.

இந்த பணிக்கான இண்டர்வியூ என்பது வரும் 10ம் தேதி சென்னையில் நடைபெற உள்ளது. அதாவது டிசிஎஸ் சோழிங்கநல்லூர், சென்னை குமரன் நகர், 415/21 -24 டிஎன்எச்பி மெயின் ரோடு சென்னை என்ற முகவரியில் உள்ள டிசிஎஸ் நிறுவனத்தில் வைத்து நடைபெற உள்ளது. இண்டர்வியூவின்போது தேவையான அனைத்து ஆவணங்களையும் எடுத்து செல்ல வேண்டும்.

இந்த பணிக்கு தேர்வாகும் நபர்களுக்கு வழங்கப்படும் மாதம் அல்லது ஆண்டு சம்பளம் என்பது வழங்கப்படவில்லை. தகுதி மற்றும் அனுபவம் அடிப்படையில் சம்பளம் நிர்ணயம் செய்யப்பட உள்ளது. விருப்பம் உள்ளவர்கள் டிசிஎஸ் நிறுவனத்தின் அதிகாரப்பூர்வ இணையதளம் சென்று விண்ணப்பம் செய்யலாம்.

விண்ணப்பம் செய்வதற்கான கடைசி தேதி எதுவும் தெரிவிக்கப்படவில்லை. இதனால் எப்போது வேண்டுமானாலும் விண்ணப்ப தேதி முடிவுக்கு வரலாம். எனவே விருப்பம் உள்ளவர்கள் முடிந்தவரை சீக்கிரமாக விண்ணப்பம் செய்வது நல்லது. பணிக்கு தேர்வாகும் நபர்கள் சென்னையில் நியமனம் செய்யப்பட உள்ளனர்.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

TCS Hiring 2024: Tata Consultancy Services (TCS) recruitment for Java Full Stock Developer in Chennai. Eligible candidates will attend the interview on August 10.