நாளை ஆன்லைனில் இண்டர்வியூ.. அழைக்கும் டிசிஎஸ் ஐடி நிறுவனம்.. இந்த சான்ஸை மிஸ் பண்ணாதீங்க
சென்னை: சென்னையில் செயல்பட்டு வரும் டிசிஎஸ் ஐடி நிறுவனத்தில் இருந்து புதிய வேலைவாய்ப்பு குறித்த அறிவிப்பு வெளியாகி உள்ளது. இதற்கான இண்டர்வியூ நாளை ஆன்லைனில் நடைபெற உள்ளது. பணிக்கு தேர்வாகும் நபர்கள் உடனடியாக விண்ணப்பம் செய்யலாம்.
டாடா குழுமத்தின் ஒரு பகுதியாக டாடா கன்சல்டன்சி சர்வீசஸ் என்ற ஐடி நிறுவனம் செயல்பட்டு வருகிறது. சென்னை உள்பட பல முக்கிய நகரங்களில் இதன் கிளைகள் அமைந்துள்ளது. இந்த நிறுவனத்தில் இருந்து அடுத்தடுத்து வேலைவாய்ப்புகள் குறித்த அறிவிப்புகள் வெளியாகி வருகிறது.
அந்த வகையில் தற்போது டிசிஎஸ் ஐடி நிறுவனத்தில் நெட்வொர்க் டேட்டா (Network Data) பணிக்கு ஆட்கள் தேர்வு செய்யப்பட உள்ளனர். இந்த பணியை விரும்புவோருக்கு சில முக்கிய தகுதிகள் இருக்க வேண்டும்.
அதன்படி பிளஸ் 2 முடித்த பிறகு ஏதாவது ஒரு டிகிரி படித்திருக்க வேண்டும். குறைந்தபட்சம் 15 ஆண்டு கல்வியை ஃபுல் டைம் முறையில் கற்றிருக்க வேண்டும். அதன்பிறகு ரூட்டிங் (Routing) உள்பட ஐபி நெட்வொர்க்கிங் பற்றி நன்கு தெரிந்திருக்க வண்டும். Palo Alto firewalls ல் பணி அனுபவம் கொண்டிருப்பவர்களுக்கு முன்னுரிமை அளிக்கப்படும்.
புதிய தொழில்நுட்பங்களை விரைவாக கற்கும் திறன் கொண்டிருக்க வேண்டும். அதேபோல் டீமாக சேர்ந்து பணியாற்ற தயாராக இருக்க வேண்டும். நல்ல கம்யூனிகேஷன் திறமை இருக்க வேண்டும். குறிப்பாக ஆங்கிலத்தில் சரளமாக பேசவும், எழுதவும் தெரிந்திருக்க வேண்டும்.
இவை எல்லாவற்றுக்கும் மேலாக இந்த பணிக்கு சம்பந்தப்பட்ட பிரிவில் குறைந்தபட்சம் 9 ஆண்டுகள் முதல் 12 ஆண்டுகள் வரை பணி அனுபவம் கொண்டிருக்க வேண்டும். தற்போதைய அறிவிப்பின்படி பணிக்கான மாதசம்பளம் பற்றி எதுவும் தெரிவிக்கப்படவில்லை. இதுபற்றி கடைசி கட்ட இண்டர்வியூவில் தெரிவிக்கப்படும்.
இதற்கான இண்டர்வியூ நாளை நடைபெற உள்ளது. இது Online Drive ஆகும். நாளை காலை 11 மணி முதல் பிற்பகல் 3 மணி வரை இண்டர்வியூ நடைபெற உள்ளது. தகுதி மற்றும் விருப்பம் உள்ளவர்கள் அதிகாரப்பூர்வ அறிவிப்பின் வழியாக விண்ணப்பம் செய்யலாம். இண்டர்வியூ குறித்த பிற விபரங்கள் செல்போன் அல்லது இ-மெயிலில் அனுப்பி வைக்கப்படும்.
பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here
Click it and Unblock the Notifications
Sign in with Google