டிசிஎஸ் ஐடி நிறுவனத்தில் வேலை செய்ய ரெடியா? ஜூன் 7 ம் தேதி சென்னையில் இண்டர்வியூ.. மிஸ் பண்ணாதீங்க

சென்னை: முன்னணி ஐடி நிறுவனமான டிசிஎஸ் சார்பில் புதிய வேலைவாய்ப்பு குறித்த அறிவிப்பு வெளியாகி உள்ளது. இதற்கான இண்டர்வியூ ஜூன் 7 ம் தேதி நடைபெற உள்ளது. பணிக்கு தேர்வாகும் நபர்கள் சென்னையில் நியமனம் செய்யப்பட உள்ளனர்.

டிசிஎஸ் நிறுவனத்தில் தற்போது நெட்வொர்க் செக்யூரிட்டி அட்மினிஸ்ட்ரேட்டர் (Network Security Administrator) பணிக்கு ஆட்கள் தேர்வு செய்யப்பட உள்ளனர். இந்த பிரிவில் குறைந்தபட்சம் 3 ஆண்டு முதல் 10 ஆண்டு வரை பணி அனுபவம் கொண்டவர்கள் இண்டர்வியூவில் பங்கேற்கலாம்.

மேலும் விண்ணப்பம் செய்வோருக்கு 2 Firewallsல் அனுபவம் இருக்க வேண்டும். அதன்படி Checkpoint Firewall, Palo Alto Firewall, Cisco ASA Firewall ஆகியவற்றில் 2 ல் பணியாற்றி இருக்க வேண்டும். அதேபோல் சிஸ்கோ டேட்டா நெட்வொர்க், நெக்சஸ் 7கே, EIGRP ஆகியவற்றில் அனுபவம் இருக்க வேண்டும்.

மேலும் Routing, Switching, LAN, WAN, SDWAN உள்ளிட்டவற்றில் அனுபவம் இருக்க வேண்டும். செக் பாயிண்ட் சர்டிபிகேஷன் (சிசிஎஸ்ஏ)/PaloAlto Certification (PCNSE) உள்ளிட்டவை இருக்க வேண்டும். சிசிஎன்பி நெட்வொர்க் சர்ட்டிபிகேஷன் வைத்திருக்க வேண்டும் என்று தெரிவிக்கப்பட்டுள்ளது.

தற்போதைய அறிவிப்பின்படி பணிக்கான சம்பளம் குறித்த விவரம் தெரிவிக்கப்படவில்லை. பணி அனுபவம் மற்றும் திறமையின் அடிப்படையில் சம்பளம் என்பது வழங்கப்படும். இதுபற்றி கடைசி கட்ட இண்டர்வியூவில் தெரிவிக்கப்படும்

பணிக்கான இண்டர்வியூ சென்னையில் ஜூன் 7 ம் தேதி நடைபெற உள்ளது. அன்றைய தினம் காலை 9 மணி முதல் மதியம் 12.30 மணி வரை இண்டர்வியூ நடைபெற உள்ளது. இதில் பங்கேற்க விரும்புவோர் Tata Consultancy Services Ltd, ATL Building, Sipcot Information Technology, Navalur Post, Siruseri, Chennai - 603103 என்ற முகவரிக்கு ஜூன் 7 ம் தேதி செல்ல வேண்டும்.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

TCS IT Jobs 2025: TCS hiring for Network Security Admin role in Chennai. Interview to be held on June 7 in Chennai. Candidates who have experience range from 3 to 10 years.