மிஸ் பண்ணாதீங்க.. மாதம் ரூ.71,900 வரை சம்பளம்! தமிழகத்திலேயே அரசு வேலை.. அழைக்கும் TNMRB.. ரெடியா?

சென்னை: தமிழ்நாடு மருத்துவ பணியாளர் தேர்வு வாரியம் சார்பில் மாதம் ரூ.19,500 முதல் ரூ.71,900 வரையிலான சம்பளத்தில் இஇஜி டெக்னீசியன் பணியிடங்கள் நிரப்பப்பட உள்ளது.

தமிழ்நாடு சுகாதாரம் மற்றும் குடும்ப நலத்துறையில் காலியாக உள்ள பணியிடங்களுக்கு டிஎன்எம்ஆர்பி எனும் தமிழ்நாடு மருத்துவ பணியாளர் தேர்வு வாரியம்(TNMRB or Tamil Nadu Medical Recruitment Board) சார்பில் ஆட்சேர்ப்பு நடத்தப்பட்டு வருகிறது.

இந்நிலையில் தான் தற்போது பல்வேறு பணியிடங்களை நிரப்புவதற்கான புதிய அறிவிப்புகள் தனித்தனியே வெளியாகி உள்ளன. அதன் விபரம் வருமாறு:

காலியிடங்கள்: இஇஜி டெக்னீசியன் (EEG Technician) பணிக்கு 10 பேர் தேர்வு செய்யப்பட உள்ளனர். இடஒதுக்கீடு வாரியாக பார்த்தால் பொதுப்பிரிவை சேர்ந்த 2 பேர், பிசி பிரிவை சேர்ந்த 3 பேர் பிசி(எம்) பிரிவை சேர்ந்த ஒருவர், எம்பிசி/டிஎன்சி பிரிவினர் 2 பேர், எஸ்சி பிரிவினர் 2 பேர் என மொத்தம் 10 பேர் தேர்வு செய்யப்பட உள்ளனர்.

வயது வரம்பு: பணிக்கு விண்ணப்பம் செய்வோர் பொதுப்பிரிவினராக இருந்தால் குறைந்தபட்சம் 18 வயதும் அதிகபட்சம் என்றால் 32 வயதுக்குள் இருக்க வேண்டும். பொதுப்பிரிவு மாற்றுத்திறனாளிகள் என்றால் 42 வயது வரையும், பொதுப்பிரிவு முன்னாள் படை வீரர் என்றால் 50 வயது வரையும் இருக்கலாம். எஸ்சி, எஸ்டி, எஸ்சிஏ, பிசி, பிசிஎம், எம்பிசி, டிஎன்சி பிரிவினர் என்றால் வயது வயது வரம்பு என்பது இல்லை.

மாதசம்பளம்: இந்த பணிக்கு மாதம் குறைந்தபட்சமாக ரூ.19,500 வழங்கப்பட உள்ளது. அதிகபட்சமாக ரூ.71,900 வரை வழங்கப்பட உள்ளது என அதிகாரப்பூர்வ அறிவிப்பில் தெரிவிக்கப்பட்டுள்ளது. மேலும் இந்த பணிக்கு விண்ணப்ப கட்டணமாக ரூ.600 நிர்ணயம் செய்யப்பட்டுள்ளது. எஸ்சி, எஸ்சி, எஸ்டி, டிஏபி(பிஎச்), கைம்பெண்களுக்கு கட்டணம் ரூ.300 ஆக நிர்ணயம் செய்யப்பட்டுள்ளது.

விண்ணப்பிப்பது எப்படி: தகுதி மற்றும் விருப்பம் உள்ளவர்கள் www.mrb.tn.gov.in இணையதளம் மூலம் டிசம்பர் 18 ம் தேதி விண்ணப்பம் செய்ய வேண்டும். இப்படி விண்ணப்பிப்போர் மெரிட் லிஸ்ட் மற்றும் சான்றிதழ் சரிபார்ப்பு ஆகியவற்றின் அடிப்படையில் பணியில் சேர்த்து கொள்ளப்படுவார்கள்.

பணி தொடர்பான அதிகாரப்பூர்வ அறிவிப்பை காண Click Here

பணிக்கு ஆன்லைனில் விண்ணப்பம் செய்ய Click Here

English summary

Tamil Nadu Medical Services Recruitment Board is going to fill EEG Technician posts with salary ranging from Rs.19,500 to Rs.71,900 per month.