ஃபேஸ்புக்கில் விஜயகாந்த்தைக் கலாய்த்து பிரபலமாகும் "செல்ஃபி புள்ள..." பாடல்!

சென்னை: கத்தி படத்தில் வரும் செல்ஃபி புள்ள பாடலை வைத்து ஃபேஸ்புக்கில் தேமுதிக தலைவர் விஜயகாந்தை கிண்டல் செய்கிறார்கள். அதில் முதல்வர் ஜெயலலிதாவையும் இணைத்துள்ளதால் பரபரப்பும் கூடியுள்ளது.

ஏ.ஆர். முருகதாஸ் இயக்கத்தில் விஜய், சமந்தா நடித்து வரும் கத்தி படத்திற்கு கொலவெறி பாடல் புகழ் அனிருத் இசையமைத்துள்ளார். படத்தின் இசை வெளியீட்டு விழா வரும் 18ம் தேதி நடைபெறுகிறது.

கத்தி படத்தில் விஜய் லெட்ஸ் டேக் எ செல்ஃபி புள்ள என்ற பாடலை பாடியுள்ளார். இதையடுத்து அனிருத் விஜய்யுடன் சேர்ந்து ஒரு செல்ஃபி, தனியாக ஒரு செல்ஃபி எடுத்து ட்விட்டரில் வெளியிட்டுள்ளார். மேலும் செல்ஃபி போட்டியையும் அவர் அறிவித்துள்ளார்.

இந்நிலையில் இந்த பாடலை வைத்து தேமுதிக தலைவர் விஜயகாந்தை ஃபேஸ்புக்கில் கிண்டலடிக்கிறார்கள். விஜயகாந்த் கையில் கேமராவை வைத்துக் கொண்டு முதல்வர் ஜெயலலிதாவை பார்த்து ஏ புள்ள செல்வி லெட்ஸ் டேக் எ செல்ஃபி என்கிறாராம். அதற்கு ஜெயலலிதா கொன்னுடுவேன் என்பது போன்ற புகைப்படம் ஃபேஸ்புக்கில் பிரபலமாகிக் கொண்டிருக்கிறது.

விஜயகாந்த்தைக் கிண்டலடித்து ஃபேஸ்புக்கில் ஏகப்பட்ட புகைப்படங்கள் வெளியிடப்பட்டுள்ளன என்பது குறிப்பிடத்தக்கது. சமீப காலமாக விஜயகாந்த்தைக் கிண்டலடிப்பதற்கு ரெஸ்ட் கொடுத்திருந்தனர். இப்போது மீண்டும் களம் இறங்கியுள்ளனர் கிண்டல்காரர்கள்.

English summary

Vijayakanth has become the butt of jokes because of Kaththi's Lets take a selfie pulla song.