அடக் கடவுளே, நான் சூசனுடன்தானே போகிறேன்...!

| Published: Tuesday, August 21, 2012, 18:52 [IST]

அந்தத் தாயாருக்கு பெரும் கவலை வந்தது. அவருடைய மகளுக்கு 17 வயது. அடிக்கடி டேட்டிங் வேறு போகிறாள். போற இடத்தில் ஏடாகூடமாக நடந்து கர்ப்பமாகி விட்டாள் என்ன செய்வது என்று தாய்க்குக் கவலை.

இதையடுத்து ஒரு டாக்டரை அணுகினார். நான் எனது மகளை எப்படித் தடுத்து நிறுத்துவது என்று கேட்டார். அதற்கு டாக்டர் சொன்னார், அவசரப்பட்டு தடுத்து நிறுத்த முயற்சிக்காதீர்கள். இந்தக் காலத்துப் பெண்கள் ரொம்பக் கோபக்காரர்கள். உங்களது மகளிடம் நல்லமுறையில் பேசி ஆணுறைகளை கையில் கொடுத்து எச்சரிக்கையாக இருக்கும்படி அறிவுரை சொல்லுங்கள் என்றார்.

தாயாரும் அப்படியே செய்ய முடிவெடுத்தார். மாலை வந்தது. மகளும் தாட்பூட் மேக்கப்புடன் டேட்டிங்குக்குக் கிளம்பி வந்தாள். அவளை நிறுத்திய தாயார், ஆணுறைகள் அடங்கிய பெட்டியைக் கொடுத்து ஜாக்கிரதையா இருந்துக்கம்மா என்றார்.

அதைக் கேட்டு வாய் விட்டுச் சிரித்தாள் மகள். பின்னர் சொன்னாள்... அம்மா, கவலைப்படாதே, நான் சூசனுடன்தான் டேட்டிங் போகிறேன்...