‘முகத்துல பரு வருதா.. அப்போ யாரோ உன்ன சைட் அடிக்கிறாங்க’.. ஆஹா எப்படிப்பட்ட வரிகள்!

சென்னை : 90ஸ் கிட்ஸ்களின் அந்தகால நம்பிக்கைகளை வைத்து நகைச்சுவையான மீம்ஸ்களைப் பகிர்ந்து இணையத்தைக் கலகலக்க வைத்து வருகின்றனர் நம் குறும்புக்கார நெட்டிசன்கள்.

90ஸ் கிட்ஸ்களைக் கலாய்ப்பதற்கென்றே இணையத்தில் ஒரு குரூப் இருக்கிறதென்றால், தங்களைப் பற்றிப் பகிரும் மீம்ஸ்களை ரசிப்பதற்கென்றே சமூகவலைதளப் பக்கங்களில் 90ஸ் கிட்ஸும் பல குரூப்களாக உள்ளனர். அதனால்தான் அடிக்கடி 90ஸ்கிட்ஸ்களைப் பற்றிய மீம்ஸ்கள் சமூகவலைதளப் பக்கங்களில் டிரெண்டிங் ஆகி விடுகின்றன.

அதிலும், அந்தக் காலத்தில், 'வெத்தலை போட்டா மாடு முட்டும்' என்பதில் ஆரம்பித்து, முகத்துல பரு வருதா.. அப்போ யாரோ உன்ன சைட் அடிக்கிறாங்க' என்பது வரை எதைச் சொன்னாலும் வெள்ளந்தியாக அதை அப்படியே நம்புகிற குழந்தைமனசு நம் 90ஸ் கிட்ஸ்களுக்கு. தற்போது அதை வைத்துதான் பெரும்பாலும் அவர்கள் கலாய்க்கப் படுகிறார்கள்.

இப்போதும் அப்படித்தான், "உங்க பையன்கிட்ட 143னா என்னன்னு தெரியுமானு கேட்டா.. நூத்தி நாற்பத்தி மூணுனு சொல்றான் ஆன்ட்டி!" என ஏன் இன்னமும் 90ஸ் கிட்ஸ்கள் திருமணமாகாமல் இருக்கிறார்கள் என்பதை வைத்து விதவிதமான நகைச்சுவையான மீம்ஸ்களைப் பகிர்ந்து வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...

English summary

These are some jolly memes collection on 90s kids and their marriage.