எண்ட்கார்டு போட்டு எகத்தாளமாடா பண்றீங்க.. எனக்கு எண்டே கிடையாது.. இப்படிக்கு ‘அக்னி நட்சத்திரம்’!

சென்னை: மக்களை வாட்டி வதைத்த அக்னி நட்சத்திரம் இன்றோடு முடிவுக்கு வருவதை மீம்ஸ் போட்டுக் கொண்டாடி வருகின்றனர் நெட்டிசன்கள்.

மார்ச், ஏப்ரல் மாதங்களிலேயே கண்ணில் பயத்தை ஏற்படுத்தியது வெயில். மக்கள் அப்போதிருந்தே பயந்தது அக்னி நட்சத்திர வெயிலை நினைத்துதான். அவர்கள் நினைத்தது போலவே மே மாதத்தின் ஆரம்ப நாட்கள் வெயிலால் தகித்தது. ஆனால், எதிர்பாராத திருப்பமாக, அடுத்தடுத்து கோடைமழை பெய்து, அக்னி நட்சத்திரத்தை அக்னி குளிரூட்டியாக மாற்றி விட்டது.

ஒரு வழியாக இன்றோடு அக்னி நட்சத்திரமும் முடிவுக்கு வந்து விட்டது. நேற்றும், இன்றும் மழை குறைந்து மீண்டும் வெயில் கொளுத்தத் தொடங்கி இருந்தாலும், அக்னி நட்சத்திரம் முடிவதை எண்ணி மக்கள் மகிழ்ச்சி அடைந்துள்ளனர். எனவே தங்களது மகிழ்ச்சியை வெளிப்படுத்தும் விதமாக, அக்னி நட்சத்திரத்திற்கு மீம்ஸ் வாயிலாக பை பை சொல்லி வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில கோடைமழை மீம்ஸ்களின் தொகுப்பு உங்களுக்காக...

English summary

These are some jolly memes collections on summar rain