பொண்ணு பார்க்க போலாம்னு சொன்னாங்க.. நானும் ஆசையா கிளம்புனா.. ஏப்ரல்ஃபூல்னு சொல்றாங்க!
சென்னை: முட்டாள்கள் தினமாகக் கொண்டாடப்படும் ஏப்ரல் முதல் நாளான இன்றை, வழக்கம் போல் ஏப்ரல் பூல் மீம்ஸ்களைப் பகிர்ந்து உற்சாகமாக கொண்டாடி வருகின்றனர் நெட்டிசன்கள்.
மற்றவர்களை முட்டாளாக்கிப் பார்ப்பதில் நம் மக்களுக்கு எப்போதுமே ஒரு தனி ஆனந்தம்தான். அதனால்தான், ஏப்ரல் 1ம் தேதி வருவதற்கு முன்பே, தங்களது உறவினர்களை, நண்பர்களை எப்படியெல்லாம் ஏமாற்றலாம் எனத் திட்டம் போட ஆரம்பித்து விடுவார்கள். ஆனால் முன்பைவிட மக்கள் இப்போது ரொம்பவே உஷாராகி விட்டனர்.
கடந்த சில வருடங்களுக்கு முன்பு வரை, 'சட்டை கிழிந்திருக்கிறது.. பேண்ட் ஜிப் போடவில்லை.. தலையில் குப்பை.. காக்கா மேலே எச்சம் போட்டிருக்கிறது..' என சுலபமாக மக்களை ஏமாற்றிவிடலாம். ஆனால் இந்த ஏமாற்று வேலை எல்லாம் தற்போது பழசாகி விட்டது. அதனால் புதுசு புதுசாக யோசித்து வாட்சப், பேஸ்புக், இன்ஸ்டாகிராம், எக்ஸ் என சமூகவலைதளப் பக்கங்களில் நகைச்சுவையான மற்றவர்களை ஏமாற்றப் பார்க்கிறார்கள்.
இதெல்லாம் ஒருபுறம் இருக்க, வழக்கம் போல் தங்கள் ஸ்டைலில், 'ஏப்ரல் பூல்' மீம்ஸ்களைப் பகிர்ந்து ஏப்ரல் மாதத்தை உற்சாகத்துடன் துவங்கி இருக்கின்றனர் நெட்டிசன்கள். இதோ அப்படியாக நம் கண்ணில் பட்ட நகைச்சுவையான சில முட்டாள்கள் தின மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google