ஒரே ஒருநாள்தான் தீபாவளி வருது.. ஆனா மொத்த சம்பளமும் குளோஸ்!

சென்னை : தீபாவளிக்கு தங்கள் நிறுவனங்களில் போனஸ் கிடைக்கப் பெறாதவர்கள், தங்கள் ஆதங்கங்களை எல்லாம் மீம்ஸ்களாக சமூகவலைதளப் பக்கங்களில் கொட்டித் தீர்த்து வருகின்றனர்.

எப்படியும் இந்த வருடம் போனஸ் வாங்கியே ஆக வேண்டும் என நம் நெட்டிசன்களும் ஒரு மாதத்திற்கு முன்பிருந்தே மீம்ஸ் வழி தூது அனுப்பி வந்தனர். ஆனால் அவர்கள் எதிர்பார்த்தபடி, அனைவருக்குமே போனஸ் கிடைக்கவில்லை போலும். அதனால்தான் தீபாவளிக்கு வாழ்த்துகளைப் பகிர்வதற்குப் பதில் தங்கள் புலம்பல்களை எல்லாம் மீம்ஸ்களாகப் பகிர்ந்து வருகின்றனர்.

போனஸ் கிடைக்கப் பெறாதவர்கள் எல்லாம் தங்களது ஒரு மாதச் சம்பளத்தை காலி செய்த தீபாவளியை மீம்ஸ் போட்டு திட்டி வருகின்றனர். 'சம்பாதிக்காத வரைதான் பண்டிகைகள் எல்லாம் கொண்டாட்டமாக இருந்தன' என யதார்த்தமாக தங்கள் மனநிலையை மீம்ஸ்களில் வெளிப்படுத்தி வருகின்றனர்.

இன்னும் ஒரு சிலர் ஒரு படி மேலே போய், போனஸ் தராத தங்கள் நிறுவனங்களை, 'இது என்னடா பெரிய படம்.. நா போனஸ் கேட்டதும் என் முதலாளி காட்டுனான் பாரு ஒரு படம்.. ப்பா என்னா நடிப்பு' என வெளிப்படையாகவே திட்டி வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட தீபாவளி போனஸ் பற்றிய நகைச்சுவையான மீம்ஸ்களின் தொகுப்பு உங்களுக்காக...

English summary

These are some jolly memes collection on Diwali bonus.