யார்றா நீ.. ஹாஸ்பிடலுக்கு வந்து, ‘காலண்டர் தருவீங்களா’னு கேட்டுக்கிட்டு இருக்க!

சென்னை : இன்னும் சில தினங்களில் புத்தாண்டு பிறக்க உள்ள நிலையில், புது காலண்டர் வாங்க மக்கள் என்னவெல்லாம் செய்கிறார்கள் என்பதை மீம்ஸ் போட்டுக் கலாய்த்து வருகின்றனர் நெட்டிசன்கள்.

புத்தாண்டு வந்தால் மக்களின் வாழ்க்கை மாறுகிறதோ இல்லையோ வீட்டில் காலண்டர் மட்டும் தவறாமல் மாறி விடுகிறது. அதிலும், அந்தக் காலண்டரைக் காசு கொடுத்து கடையில் வாங்கி விட்டால், நம் மக்களுக்கு தாங்கவே தாங்காது. அதனால் எங்கெல்லாம் ஓசியில் காலண்டரை வாங்கலாம் என யோசித்து, யோசித்து வாங்குவார்கள்.

அப்படி ஓடி ஓடி காலண்டர் வாங்கி விட்டு, பிறகு அதை எல்லாம் வீட்டில் எங்கு மாட்டுவது எனத் தெரியாமல் மக்கள் விழிப்பது வேறு கதை. இருந்தாலும் ஓசியில் விதவிதமாய் காலண்டர் வாங்கினால்தான் அவர்களுக்கு புத்தாண்டே மகிழ்ச்சியாகத் தொடங்கும்.

இப்படி எங்கு காலண்டரை ஓசியில் வாங்கலாம் என யோசிப்பவர்களைக் கலாய்த்து விதவிதமாய் மீம்ஸ்களைப் பகிர்ந்து வருகின்றனர் சமூகவலைதளப் பக்கங்களில். அதிலும், தாங்கள் ரெகுலர் கஸ்டமர் எனக் கூறி, ஹாஸ்பிடல், பரோட்டாக் கடைகளில் எல்லாம் காலண்டர் கேட்பவர்களை எல்லாம் விதவிதமாய்க் கலாய்த்துள்ளனர்.

இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...