மொபைல் சார்ஜ் போட்டதும்.. ‘ஸ்விட்ச்ச போடுறா டேய்’னு திட்ற மாதிரி ஏதாவது ஆஃப் இருக்கா?

சென்னை: செல்போன் பற்றிய மீம்ஸ்களைப் பகிர்ந்து சமூகவலைதளப் பக்கங்களைக் கலகலக்க வைத்து வருகின்றனர் நெட்டிசன்கள்.

'செல் இன்றி அமையாது உலகு' என அறிவியல் சொல்லிக் கொடுத்த பாடத்தை மக்கள் தவறாகப் புரிந்து கொண்டுள்ளனரோ என அச்சப்படும் அளவிற்கு நாளுக்கு நாள் செல்போன்களின் பயன்பாடு நாட்டில் அதிகரித்து வருகிறது. செல்போன்களைப் பார்த்து விட்டால், வயது வித்தியாசம் இன்றி அனைவருக்கும் தங்களைச் சுற்றி நடப்பது எல்லாமே மறந்து விடுகிறது. நான்கு பேர் சேர்ந்து இருக்கும் இடங்களில்கூட அனைவரும் செல்போனைத்தான் பார்த்துக் கொண்டிருக்கின்றனர் என்பது மறக்க முடியாத உண்மை.

செல்போன்கள் நம் நேரத்தைச் சாப்பிடும் மோசமான கருவி என என்னதான் விழிப்புணர்வு பிரச்சாரங்களை செய்தாலும், அதையும் நம் செல்போனிலேயே பார்த்துவிட்டு புறந்தள்ளி விடுகிறோம். நாம் சாப்பிடவில்லை என்றால்கூட அவ்வளவு கவலைப்பட மாட்டோம், ஆனால் செல்போனில் சார்ஜ் இல்லையென்றால் பரிதவித்துப் போவோம். அந்தளவிற்கு செல்போன்களின் தாக்கம் அதிகரித்துள்ளது.

இப்படியாக எல்லோருக்கும் பிடித்தமான செல்போன்களைப் பற்றிய நகைச்சுவையான மீம்ஸ்கள் சமூகவலைதளப் பக்கங்களில் அதிகம் கொட்டிக் கிடக்கின்றன. இதோ அவற்றில் நம் கண்ணில் பட்ட சில மீம்ஸ்களின் தொகுப்பு உங்களுக்காக...

English summary

These are some jolly memes collection on mobile phones