மதுரை சூப்பர் கிங்ஸ்சுன்னு பெயரை மாத்துனா விளையாட விடுவீங்களா யுவர் ஆனர்?

சென்னை: சென்னை மற்றும் ராஜஸ்தான் அணிகளின் உரிமையாளர்களுக்கு, 2 வருட காலம் ஐபிஎல் தொடரில் ஆட தடை விதிக்கப்பட்டுள்ளது. சிஎஸ்கே அணிக்கு விதிக்கப்பட்ட தடையால், அதிர்ச்சியடைந்திருந்தாலும், அதையும் நகைச்சுவையாக மாற்றி சமூக வலைத்தளங்களில் கவலையை மறந்து வருகின்றனர் தமிழ் ரசிகர்கள்.

குறிப்பாக டிவிட்டரில் பல்வேறு மீம்ஸ்களையும், டயலாக்குகளையும், வீடியோக்களையும் ஷேர் செய்துவருகின்றனர் ரசிகர்கள். அப்படி சுவாரசியமான சில பதிவுகளை இப்போது பார்க்கலாம்.

ஜட்ஜ்அய்யா.இங்க இருக்கற சென்னைய தூக்கி மதுரை கிட்ட வெச்சு.மதுரை சூப்பர்கிங்ஸ் னு வெளயாடலாமா 😂😂 😂😂 #IPLVerdict pic.twitter.com/aTEIbBe95r

— GOPALA KRISHNAN (@kgkrishn) July 14, 2015

மதுரை சூப்பர் கிங்ஸ்

டெல்லியைவிட்டு, தொலைவில் தமிழ்நாடு இருப்பதால்தான் முன்னேறவில்லை, எனவே அப்படியே தமிழ்நாட்டை தூக்கி டெல்லி பக்கம் வைக்கலாம் என்று மேப்பை பார்த்து ஒரு படத்தில் வடிவேலு சொல்வார். அதேபோல, சென்னை சூப்பர் கிங்ஸ் என்றால்தானே பிரச்சினை, மதுரை சூப்பர் கிங்சுன்னு பெயரை மாற்றலாமா என்று கேட்டுள்ளார் இந்த நெட்டிசன். விளையாட்டாக இவர் சொல்வதும் உண்மைதான். உரிமையாளர் மாறி, அணி பெயரும் மாறினால் விளையாட அனுமதியுண்டு.

போதும் சார். இனி நீங்களே விளையாடிக்கோங்க. pic.twitter.com/ECxPxzW78x

— Wayfarer! (@iKaruppiah) July 14, 2015

நீங்களே விளையாடுங்க

லிங்கா திரைப்படத்தில், அணையை கட்டிகொடுக்கும் ரஜினி கதாப்பாத்திரம் அவமானத்திற்குள்ளாகி வெளியேற்றப்படும். அப்போது, அணையை தகர்க்கட்டுமா, நீ வெளியேறுகிறாயா என்ற கேள்வி ஊராரால் முன்வைக்கப்படும். அணையை தகர்க்க வேண்டாம், நான் போகிறேன் என்று தியாகம் செய்வார் ரஜினி. இந்த டிவிட்டில் ரஜினி கதாப்பாத்திரம் சிஎஸ்கே அணியோடு ஒப்பிடப்பட்டுள்ளது.

மத்த டீம்முக்கெல்லாம் ரெண்டு வருஷம் டைம் அதுக்குள்ள கப்ப தொட்டு பார்க்கணும்ன்னு நினைக்குறவன் எல்லாம் தொட்டு பார்த்துக்கோ #CSKda #IPLVerdict

— ℳr.கொத்தவரங்கா (@Kothavranga) July 14, 2015

தொட்டுக்கோங்க

சென்னை எப்போதுமே சிறப்பாக ஆடும் அணி. அந்த அணி இல்லாத இந்த 2 வருடங்களில் மற்ற அணிகள் கப்பை தொட்டு பார்த்துக்கொள்ளலாம் என்று பிற அணிகளை கேலி செய்கிறது இந்த டிவிட்.

If IPL is religion then Csk is God #எதுனா சொல்லுவோம்

— வாழவந்தார் (@Iam_SuMu) July 14, 2015

கடவுளே நாங்கதான்

'கிரிக்கெட் ஒரு மதம் என்றால் சச்சின்தான் கடவுள்' என்ற வார்த்தை பிரபலம். இந்த நெட்டிசன் அதை, ஐபிஎல் ஒரு மதம் என்றால், சென்னை அணிதான் அதில் கடவுள் என்று கூறி அணியின் முக்கியத்துவத்தை தெரிவித்துள்ளார்.

கொஞ்ச நஞ்ச பேச்சாடா பேசுனீங்க... pic.twitter.com/Sei67bTSV4

— பார்த்தா (@iParth_) July 14, 2015

என்ன பேச்சு பேசுனீங்க

சிஎஸ்கே, ராஜஸ்தான் அணிக்கு சப்போர்ட் செய்யும் ரசிகர்கள் மட்டுமல்ல. அதை வெறுக்கும் தமிழ் ரசிகர்களும் உள்ளனர். அப்படி ஒரு டிவிட்தான் இது. விவேக் மற்றும் வடிவேலு கதாப்பாத்திரங்கள் அடிபட்டு படுத்திருக்கும் சினிமா காட்சியை சென்னை-ராஜஸ்தான் அணிகளோடு ஒப்பிட்டு மீம்ஸ் போட்டோ போட்டுள்ளார் இந்த நெட்டிசன்.

RR 2 வருஷம் சஸ்பெண்டா..... இன்னும் ரெண்டு வருசத்துல அந்த டீம் பிளேயர்ஸ் எல்லாரும் ரிட்டயர்ட் ஆகிருவாங்கலேடா..

— ரோபல்காந்த் (@roflkanth) July 14, 2015

ஸ்ரைட்டா ரிட்டையர்டுதான்

சென்னை அணியாவது பரவாயில்லை. ஆனால் ராஜஸ்தான் அணியில் சீனியர் வீரர்கள் ஆதிக்கமே உள்ளது. 2 வருடம் தடைக்கு பிறகு அந்த அணியில் அத்தனை பேரும் ரிட்டையர்ட் ஆகிவிடுவார்களே என்று கேலி செய்கிறது இந்த டிவிட்.

After #IPLVerdict . pic.twitter.com/3fgYLoDQzi

— பப்ளூ (@Mrbublooo) July 14, 2015

அண்ணே ஆசீர்வாதம்

சின்னகவுண்டர் படத்தில் சலவை செய்யமாட்டேன் என்று உட்கார்ந்திருக்கும் கவுண்டமணியிடம், செந்திலும், வடிவேலுவும் வந்து நாங்க சலவை செய்ய போறோம். ஆசீர்வாதம் செய்யுங்க என்று கேட்பது போல காட்சி இருக்கும். இந்த நெட்டிசன் டோணியை கவுண்டமணியாகவும், செந்தில் மற்றும் வடிவேலுவை, கோஹ்லி மற்றும் தவான் ஆகியோராகவும் ஒப்பிட்டு மீம்ஸ் செய்துள்ளார்.

English summary

After the Justice Lodha committee suspends CSK and RR teams for 2 years from playing IPL series, Twitter busy with tease those teams.