இவங்க பார்முக்கு அடுத்த சீசன்தான்.. தப்பிய ருதுராஜ்.. மாட்டிக்கொண்ட தோனி.. தெறிக்கும் சிஎஸ்கே மீம்ஸ்

Updated: Saturday, April 12, 2025, 9:59 [IST]

Subscribe to Oneindia Tamil

சென்னை: கேகேஆர் அணிக்கு எதிரான போட்டியில் சிஎஸ்கே அணி 8 விக்கெட்டுகள் வித்தியாசத்தில் படுதோல்வியை சந்தித்துள்ளது. இதனால் தொடர்ந்து 5 போட்டிகளில் சிஎஸ்கே அணி முதல்முறையாக தோல்வியடைந்த நிலையில், சோஷியல் மீடியால் ரசிகர்கள் உருவாக்கிய தரமான மீம்ஸை பார்க்கலாம்.

நகரம் படத்தில் நாயை கொஞ்சும் வடிவேலு, அதற்கு கொஞ்சம் சரக்கு ஊற்றிவிடுவார். இதனை வாயை பிளக்கும் நாய், தலையை தொங்க போட்டுவிடும். அப்போது வடிவேலு, "என்ன தொங்கிருச்சு.. ஏய் டாமி.. எந்திரி" என்று சொல்வார். அதில் வரும் நாயை சிஎஸ்கே அணியாகவும், வடிவேலுவை சிஎஸ்கே ரசிகர்களாகவும் மாற்றி, "என்ன தொங்கிருச்சு.. ஏய் டாமி.. எந்திரி ஏய்" என்று உருவாக்கப்பட்டுள்ள மீம் சோலி முடிஞ்ச் ரகம்.

7ஜி ரயின்போ காலனி படத்தில் ஹீரோவின் தந்தை, "அடி போடி.. என் பையனுக்கு ஹீரோ ஹோண்டாவில் வேலை கிடைச்சிருக்கு.. தூங்குறதா" என்று பெருமை கொள்வார். அதனை அப்படியே சிஎஸ்கே ரசிகர்களாக மாற்றி, "அடுத்த மேட்ச் பார்க்கிறதா.. இவனுங்க இருக்கிற ஃபார்முக்கு அடுத்த சீசன் தாண்டி பார்க்கணும்" என்று உருவாக்கப்பட்டுள்ள மீம் சிஎஸ்கே ரசிகனின் மனசாட்சி.

கருப்பசாமி படத்தில் நகைக்கடை மகனை பிடித்து வைக்கும் வடிவேலு, "ஐயயோ.. 10 ஆயிரம் பத்தாதேடா" என்பார். அதனை அப்படியே கேகேஆர் அணி தொடக்க வீரர்கள் சொல்வதாக மாற்றி, "ஐயயோ.. இந்த ஸ்கோர் பவர் பிளேவுக்கே பத்தாதே டா" என்று சொல்வதாக உருவாக்கப்பட்டுள்ள மீம் செத்த எலி மேல எத்தனை லாரி ஏறினா என்ன மொமண்ட்.

வெற்றிக்கொடிகட்டு படத்தில் பார்த்திபனிடம் தப்பிக்க பர்தா போடும் வடிவேலு, "நல்ல வேளை.. யாரும் பார்க்கலை.. அவன்ட்ட இருந்தும் தப்பிச்சாச்சு" என்று சொல்வார். அதில் வரும் வடிவேலுவை ருதுராஜ் கெய்க்வாடாக மாற்றி, "நல்ல வேளை.. இந்த மேட்ச்ல நம்ம இல்லை" என்று சொல்வதாக உருவாக்கப்பட்டுள்ள மீம் ஜஸ்ட் மிஸ்.. சிக்கிருந்தா சீவருப்பாங்க மொமண்ட்.

உனக்காக எல்லாம் உனக்காக படத்தில் கவுண்டமணியை மாட்டிவிடும் கார்த்திக், சிரித்து கொண்டே ஓட தொடங்கிவிடுவார்.. அதில் வரும் கார்த்திக்காக ருத்துராஜையும், கவுண்டமணியாக தோனியையும் மாற்றி, மாட்டிவிட்டு ஓடிவிட்டதாக உருவாக்கப்பட்டுள்ள மீம் உசுரு முக்கியம் பாஸ் மொமண்ட்.