அனிச்சை செயல்னா இதுதான் போல.. கையை கட்டுப்படுத்த முடியல யுவர் ஆனர்!
சென்னை : சாப்பாட்டைப் பொறுத்தவரை, புதன்கிழமை என்றாலே நம் நெட்டிசன்களுக்கு குட்டி ஞாயிற்றுக்கிழமை தான். ஞாயிறு அளவிற்கு சமைக்காவிட்டாலும், பல வீடுகளில் புதன்கிழமைகளிலும் அசைவ உணவு சமைக்கப்படும். பிறகென்ன வீட்டில் சமைத்தால், கட்டாயம் சமூகவலைதளப் பக்கங்களிலும் மீம்ஸ்களாக சாப்பாட்டு மணம் வீசியே ஆக வேண்டும் நம் நெட்டிசன்களுக்கு.
"இந்தப் பொறப்புதான் நல்லா ருசிச்சு சாப்பிட கிடைச்சது.." இதுதான் நம்மில் பலரை தினமும் ஓடவே வைக்கிறது. அதனால்தான் வண்டிக்கு பெட்ரோல் போடுவது போல், சாப்பிடச் சென்றால், "இருங்க எனக்கு பெட்ரோல் போட்டுட்டு வந்துடுறேன்" எனச் சொல்வதைக் கேட்டிருப்போம்.
அதிலும் குறிப்பாக ஞாயிறு மற்றும் புதன்கிழமை என்றால் நம் அசைவப் பிரியர்களுக்கு அசைவம் சாப்பிட்டே ஆக வேண்டும். ஞாயிறைப் போலவே புதன்கிழமையும் அவர்களுக்கு குட்டி ஞாயிறுதான். அதனால்தான் அன்றைய தினம் தாங்கள் வயிறாரச் சாப்பிட்டது மாதிரி, சமூகவலைதளப் பக்கங்களிலும் கமகம சாப்பாட்டு மீம்ஸ்களைப் பகிர்ந்து விடுகிறார்கள்.
இப்போதும் அப்படித்தான், "அனிச்சை செயல்னா இதுதான்.. டீ மட்டுமே குடிக்கலாம்னு போயிட்டு.. காளான் சில்லியைப் பார்த்ததும் எடுத்து வாயில போட்டுக்க சொல்லுது.. கையை கட்டுப்படுத்த முடியல யுவர் ஆனர்!" என வீட்டில் மட்டுமல்ல.. வெளியிலும் சாப்பாட்டு பிரியர்கள் எப்படியெல்லாம் நடந்து கொள்கிறார்கள் என்பதை மீம்ஸ் போட்டு கலாய்த்துள்ளனர்.
வெறும் சாப்பாட்டை பற்றி மட்டும் மீம்ஸ் போட்டால் போதாதென, சாப்பிட்ட சாப்பாடு செரிக்க என்னவெல்லாம் செய்ய வேண்டி இருக்கிறது என்பதையும், "போலீஸ் செலக்சனுக்கும் ஓடல.. மிலிட்டரி செலக்சனுக்கும் ஓடல.. டேய் நா தொப்பையைக் குறைக்க ஓடுறேன்டா!" என மீம்ஸ் போட்டு தங்களைத் தாங்களே கலாய்த்துள்ளனர்.
இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google