ப்ரண்ட்ஸ் டூர் கேன்சல் ஆக ரெண்டே காரணம்தான்.. அவன் வந்தா நா வரல.. அவன் வரலைனா நா வரல!
சென்னை : சனி, ஞாயிறு, திங்கள் என தொடர்ச்சியாக மூன்று நாட்கள் விடுமுறை வருவதால், நண்பர்களுடன் டூர் செல்வதற்கு தயார் ஆகிவிட்டனர் போலும் நெட்டிசன்கள். அதனால்தான் சமூகவலைதளப் பக்கங்களில் டூர் பற்றிய மீம்ஸ்களாக காணக்கிடைக்கின்றன.
ஊர் சுற்றப் பிடிக்காதவர்கள் யாராவது இருப்பார்களா? அதிலும் தொடர்ச்சியாக இரண்டு நாட்களுக்கு மேலாக விடுமுறை கிடைக்கிறதென்றால், 'போட்ரா டூரை' என முன்பே பிளான் செய்து விடுவார்கள்.
அதிலும், என்னதான் பள்ளியில் இருந்து டூர், குடும்பத்துடன் டூர், அலுவலகத்தில் இருந்து டூர் என விதவிதமாகச் சுற்றினாலும், கல்லூரி டூர் மற்றும் நண்பர்களுடன் செல்லும் டூர் எப்போதுமே எக்ஸ்ட்ரா ஸ்பெஷல் ரகம்தான். அதில் இருக்கும் மகிழ்ச்சிக்கு அளவே இருக்காது.
ஆனால் எந்தளவிற்கு நண்பர்கள் டூர் மகிழ்ச்சியாக இருக்குமோ.. அதே அளவிற்கு அதில் குழப்பங்களும் இருக்கும். 'அவன் வந்தால்தான் நான் வருவேன்.. அவன் வரவில்லை என்றால் நான் வரமாட்டேன்' என ஆளாளுக்கு ஒவ்வொரு கண்டிசன் போடுவார்கள்.
இந்த வாரம் சனி, ஞாயிறு விடுமுறையுடன், திங்கட்கிழமை கிருஷ்ண ஜெயந்தி விடுமுறையும் சேர்ந்து விட்டதால், நெட்டிசன்கள் டூர் மோடுக்கு மாறி விட்டார்கள் போலும். அதனால்தான், சமூகவலைதளப் பக்கங்களில் நண்பர்களுடன் செல்லும் டூர் பற்றிய நகைச்சுவையான மீம்ஸ்களாகப் பகிர்ந்து வருகின்றனர்.
இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google