ஆடி மாசம் அம்மா வீட்டுக்கு போய்ட்டு வானு அனுப்பி வைக்க.. ஒரு பொண்டாட்டிகூட இல்லையே!

ஆடி மாதம் பற்றிய மீம்ஸ்கள் சமூகவலைதளங்களில் அதிகம் பகிரப்பட்டு வருகின்றன.

Published: Tuesday, July 19, 2022, 10:32 [IST]

Subscribe to Oneindia Tamil

சென்னை: ஆடி மாதம் பிறந்து விட்டதை மீம்ஸ்களாகப் பகிர்ந்து கொண்டாடி வருகின்றனர் நெட்டிசன்கள்.

ஆடி மாதம் பிறந்து விட்டாலே, தள்ளுபடி, புதுமணத் தம்பதியைப் பிரித்து வைப்பது, கூழ் ஊற்றுவது என மக்கள் பிஸியாகி விடுவார்கள். எல்லோரும் இப்படி பிஸியாக இருக்கும் போது மீமர்கள் மட்டும் சும்மா இருந்தால் நன்றாக இருக்குமா? அதனால்தான், மேற்கூறிய எல்லாவற்றையும் வைத்து ரசிக்கும்படியான மீம்ஸ்களாகப் பகிர்ந்து வருகின்றனர்.

மேற்கூறிய இந்த பட்டியலில் விட்டுப் போன ரகமாக, இன்னமும் திருமணமே ஆகாமல் இருக்கும் 90ஸ் கிட்ஸ்களையும், 'ஆடிக்கு மாமியார் வீட்டுக்கு அனுப்ப ஒரு வைய்ப் இல்லையே..' என ஆதங்கப்பட வைத்துள்ளன சில மீம்ஸ்கள்.

கடந்த இரண்டு வருடங்களாக கொரோனாவால் தடைபட்டுப் போன ஆடித்தள்ளுபடி ஷாப்பிங்கையெல்லாம் இந்த வருடம் மனைவிகள் சேர்த்து வைத்து, செலவு வைப்பதாக இருக்கும் மீம்ஸ் யதார்த்தத்தைப் பிரதிபலிக்கிறது.

'எல்லாத்துக்கும் ஆஃபர் தர்றீங்களே.. அப்டியே இந்தப் பெட்ரோலுக்கும் தந்தா என்ன..?' என்ற மீம்ஸ் ரசிக்கும்படி மட்டுமில்லாமல், யோசிக்கும்படியும் உள்ளது. (கொஞ்சம் பார்த்து டிஸ்கவுண்ட் கொடுங்க பாஸ்.. பட்ஜெட் எகிறுது)