கடல்நீரும் உப்பு.. கண்ணீரும் உப்பு.. சந்திரமுகி 2 படத்துக்கு போனது என்னோட தப்பு!

சென்னை: படம் ரிலீசாகி பத்து நாள் ஆனபோதும், இப்போதும் சந்திரமுகி 2வை கலாய்ப்பதை நிறுத்தவில்லை நம் நெட்டிசன்கள்.

ரஜினி, ஜோதிகா நடிப்பில் மிரட்டிய சந்திரமுகி படத்தின் பாதிப்போடே, சந்திரமுகி 2வை பார்க்கச் சென்றவர்கள் நிச்சயம் ஏமாந்துதான் போய் வருகின்றனர். சந்திரமுகி 2 எனப் பேர் வைக்காமல், வேறு பெயர் வைத்து எடுத்திருந்தால்கூட இந்தப் படம் இவ்வளவு எதிர்மறையான விமர்சனங்களைப் பெற்றிருக்காது போல.

ஆனால், சந்திரமுகியை விட திகிலான பேயை எதிர்பார்த்து, தியேட்டருக்குப் போய், காசு வீணாகி விட்டதே என்ற ஏமாற்றத்தில் இருப்பவர்கள், மற்றவர்கள் நலன் கருதி, 'அந்த அரண்மனைல கூட தெற்க இருக்க ரூமுக்குப் போகலாம்.. ஆனா தப்பித் தவறிக்கூட சந்திரமுகி ஓடுற தியேட்டர் பக்கம் போய்டாதீங்க..' என்ற ரேஞ்சுக்கு மீம்ஸ்களைப் பகிர்ந்து வருகின்றனர்.

படம் ரிலீசாகி பத்து தினங்களுக்கு மேலாகி விட்டது. வசூல் நிலவரம் மட்டும்தான் நல்லபடியாக வருகிறது. மற்றபடி படத்தைப் பற்றிய விமர்சனம் சொல்லிக் கொள்ளும்படி இல்லை. மீமர்களும் தங்கள் பங்கிற்கு படத்தை விதவிதமாக, மீம்ஸ் போட்டு கலாய்த்து வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...

English summary

These are some jolly memes collection on chandramukhi 2 movie.