#Chennaisnow: டிசம்பர் மாசம்னா மழைல மூழ்குற மாதிரி.. இனி பனியில உறைஞ்சுடுவோம் போலயே!

சென்னை பனியை வைத்து நகைச்சுவையான மீம்ஸ்கள் பகிரப்பட்டு வருகின்றன.

Published: Tuesday, November 22, 2022, 14:58 [IST]

Subscribe to Oneindia Tamil

சென்னை: சமூகவலைதளங்களில் டிரெண்டிங்கில் இருக்கும் சென்னை பனியை வைத்து விதவிதமான மீம்ஸ்களைப் பகிர்ந்து வருகின்றனர் நெட்டிசன்கள்.

மழை கொட்டித் தீர்க்கப் போகிறது என எதிர்பார்த்த சென்னை மக்களுக்கு அல்வா கொடுத்துவிட்டு, பல்லை நடுங்க வைத்துக் கொண்டிருக்கிறது பனி. பகலில் இப்படி ஒரு சீதோஷ்ண நிலை சென்னை மக்களுக்கு புதிது என்பதால், பனியைப் பார்த்து ஆச்சர்யப்பட்டுத்தான் போயுள்ளனர். இதனால் சமூகவலைதளங்களில் சென்னை பனி #chennaisnow என்ற வார்த்தை டிரெண்டிங் ஆகி இருக்கிறது.

சும்மாவே ஆடுவார்கள்.. இப்போது காலில் சலங்கை கட்டி விட்ட மாதிரி, ஒரு கான்செப்ட் கிடைத்தால் விடுவார்களா? சென்னை பனியை வைத்து விதவிதமான மீம்ஸ்களை சமூகவலைதளங்களில் பகிர்ந்து வருகின்றனர் நெட்டிசன்கள்.

பனியைப் பார்த்து வியந்து போய் மீம்ஸ்களைப் பகிர்வது மாதிரியே, சூரியனுக்கே ஐஸ் வைப்பது மாதிரியான நகைச்சுவையான மீம்ஸ்களும் அதிகம் பகிரப்பட்டு வருகின்றன. 'ஏதாவது திட்டி இருந்தா அதை மனசுல வச்சுக்காதீங்க சார்.. ஒரு ரெண்டு நாள் இந்தப் பக்கம் தலையைக் காட்டுங்க..' என்பது மாதிரியான மீம்ஸ்கள் ரசிக்கும்படியாக உள்ளன.