சீன ஆப் மாதிரி பாக். ஆப் ஏதாவது இருந்தா சொல்லிடுங்க.. இப்போவே அன்இன்ஸ்டால் பண்ணிடுறேன்!

சீன ஆப்களுக்கு தடை விதிக்கப்பட்டிருப்பது பற்றிய ஜாலி மீம்ஸ்களின் தொகுப்பு.

சென்னை: பப்ஜி ஆப்பைத் தொடர்ந்து, தற்போது ப்ரீ பையர் ஆப்புக்கும் மத்திய அரசு தடை விதித்துள்ளதால் ஆன்லைன் விளையாட்டு பிரியர்கள் எப்படிக் கவலையில் உள்ளனர் என மீம்ஸ் போட்டு கலாய்த்து வருகின்றனர் நெட்டிசன்கள்.

நாட்டின் பாதுகாப்பிற்கு அச்சுறுத்துதல் எனக் கூறி, 54 சீன ஆப்புகளுக்கு மத்திய அரசு தடை விதித்துள்ளது. இதில், சீன ஆப்களில் ப்ரீ பையர் விளையாட்டு ஆப்பும் ஒன்று. ஏற்கனவே பப்ஜி ஆப்புக்கு தடைவிதிக்கப்பட்ட நிலையில், தற்போது ப்ரீ பையரும் தடை செய்யப்பட்டு விட்டதால் ஆன்லைன் விளையாட்டு பிரியர்கள் பெரும் சோகமடைந்துள்ளனர்.

ஆன்லைன் விளையாட்டுகளில் பல்வேறு ஆபத்துகளும் இருப்பதால், ஆரம்பத்தில் இருந்தே இது போன்ற ஆப்களுக்கு எதிர்ப்புக் குரல்களும் இருந்து வந்தது. தற்போது அரசே இந்த விளையாட்டிற்கு தடை விதித்து விட்டதால், இவர்கள் மகிழ்ச்சி அடைந்துள்ளனர். தங்களது மகிழ்ச்சியை வெளிப்படுத்தும் வகையில் மீம்ஸ் போட்டு ப்ரீ பையர் விளையாடியவர்களைக் கலாய்த்து வருகின்றனர்.
இந்த ஆப்பை நம்பி கன், ஸ்கின் என வாங்கி வைத்தவர்கள் எல்லாம் இப்போது எப்படிப்பட்ட மனநிலையில் புலம்பித் தீர்த்துக் கொண்டிருப்பார்கள் என ஜாலியாக மீம்ஸ் ஆக்கியுள்ளனர்.

இதோ அது போன்ற மீம்ஸ்களில் சில உங்களுக்காக...

English summary

These are some jolly memes collection on banned chinese Apps.