தீபாவளி வேற நெருங்கிடுச்சு.. போனஸ் எப்போ தருவீங்க? போனஸா.. அப்டின்னா?

தீபாவளி போனஸ் பற்றிய மீம்ஸ்கள் சமூகவலைதளங்களில் அதிகம் பகிரப்பட்டு வருகின்றன.

சென்னை: தீபாவளி பண்டிகை நெருங்கி வரும் சூழலில், போனஸ் பற்றிய மீம்ஸ்கள் சமூகவலைதளங்களில் அதிகம் பகிரப்பட்டு வருகின்றன.

அடுத்தவாரம் நாளை தீபாவளி. பலகாரம் செய்ய, புத்தாடை, பட்டாசுகள் வாங்க என கடைத்தெருக்களில் மக்கள் கூட்டம் அலைமோதி வருகிறது. ஆனால் இன்னமும் தீபாவளியை எண்ணத்தில் மட்டுமே கொண்டு, வீட்டிற்கு அழைத்து வர முடியாமல் திண்டாடி வருகிறார்கள் மாதச் சம்பளக்காரர்களில் பலர். காரணம் பல அலுவலகங்களில் இன்னமும் போனஸ் போட்டபாடில்லை. சில நிறுவனங்களில் போனஸ் என்ற பேச்சுக்கே இடமில்லை.

இப்படியாக போனஸையே நம்பி பல குடும்பங்களில் தீபாவளிகள் காத்திருக்கின்றன. மற்றவர்கள் கொண்டாட்டத்தை ஏக்கத்துடன் பார்த்து வரும் அவர்களது மனநிலையை, சிரிப்போடு சிந்திக்கவும் வைக்கும் வகையில் மீம்ஸ்களாக சமூகவலைதளங்களில் பகிர்ந்து வருகின்றனர் நெட்டிசன்கள்.

பல ஊழியர்கள் போனஸுக்காக மட்டுமே அந்த நிறுவனத்தில் உள்ளனர், போனஸ் வாங்கியதும் வேறு நிறுவனத்திற்கு மாறி விடுவார்கள் என்ற யதார்த்த உண்மையையும் நகைச்சுவையாகக் கூறுகின்றன இந்த மீம்ஸ்கள்.

இதோ அப்படியாக சமூகவலைதளங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...

English summary

These are some jolly memes collection on Diwali bonus.