20ரூபாய்க்கு அவ்ளோ யோசிப்ப.. இப்போ கடன் வாங்கி செலவு பண்ணியிருக்க.. என்ன திமிரு இருக்கணும் உனக்கு!

சென்னை : தீபாவளிக்கு ஒரு மாதத்திற்கு முன்பே மீம்ஸ் போட்டு தங்கள் கொண்டாட்டத்தை ஆரம்பித்து விட்ட நெட்டிசன்கள், தற்போது தீபாவளி முடிந்து பத்து நாட்களுக்கு மேலாகியும் தங்கள் (பணத்)திண்டாட்டத்தை மீம்ஸ் போட்டு புலம்பி வருகின்றனர்.

தீபாவளி பண்டிகை என்றாலே மக்களுக்கு கொண்டாட்டத்தைப் போல், செலவுக்கு என்ன செய்வது என்ற சிந்தனையும் தானாக வந்து ஒட்டிக் கொள்ளும். அதுவும் இந்தாண்டு தீபாவளி மாதக்கடைசியில் வந்துவிட, எப்படியோ செலவைச் சமாளித்து தீபாவளிக் கொண்டாட்டங்களை முடித்து விட்டனர்.

எப்படி தீபாவளி முடிந்து பத்து நாட்களுக்கு மேலாகியும், இன்னமும் பல வீடுகளில் முறுக்கும், அதிரசமும் தீரவில்லையோ அதேபோல், தீபாவளிக்கு வாங்கிய கடனும் தீரவில்லை போலும். அதனால்தான், மீம்ஸ் போட்டு தீபாவளிச் செலவுகளைப் பற்றி புலம்பி வருகின்றனர்.

"20ரூபாய்க்கு அவ்ளோ யோசிப்ப.. இப்போ போனஸ் போக கடன் வாங்கி செலவு பண்ணியிருக்க.. என்ன திமிரு உனக்கு!" என்றும், "ரூ. 20 ஆயிரம் போனசையும் ஒரே நாளுல செலவு செஞ்சிட்டேனா?" என விதவிதமாக மீம்ஸ் போட்டு தங்களது தீபாவளிச் செலவுகளைப் புலம்பி வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...

English summary

These are some jolly memes collection on Diwali expenses.