உன் கான்ட்ராக்ட் லிஸ்ட்லதான் இருக்கேன்.. தீபாவளி, பொங்கலுக்கு மட்டும் விஷ் பண்ணுவேன்!
சென்னை : தீபாவளி, பொங்கல் என பண்டிகை நாட்கள் வந்துவிட்டால், தங்களுக்கு வாழ்த்து சொல்பவர்களுக்கென்றே தனியாக நேரம் ஒதுக்கி பதில் வாழ்த்து சொல்ல வேண்டியதாக இருக்கிறது என மீம்ஸ் போட்டு புலம்பி வருகின்றனர் சமூகவலைதளப் பக்கங்களில்.
முன்பெல்லாம் பண்டிகை நாட்கள் வருகிறதென்றாலே ஊரெல்லாம் வாழ்த்து அட்டை கடைகள் அதிகம் கண்ணில் படும். அதை ஒரு வாரத்திற்கு முன்பே வாங்கி, அதில் வாழ்த்து எழுது, தங்களுக்குப் பிரியமானவர்களுக்கு அனுப்புவதே தனி சந்தோசமாக இருக்கும். ஆனால் தொலைபேசி வந்தபிறகு, இது கொஞ்சம் கொஞ்சமாகக் குறைத்து, இப்போது ஏறக்குறைய காணாமலேயே போய்விட்டது.
அதிலும் இப்போது வாட்சப், இன்ஸ்டா, பேஸ்புக், டிவிட்டர் என சமூகவலைதளப் பக்கங்கள் அதிகமாகி விட, பிறகென்ன ஒரே வீட்டுக்குள் இருப்பவர்கள்கூட, இணையத்தில்தான் தங்கள் வாழ்த்துகளையே பரிமாறிக் கொள்கின்றனர். அதிலும் ஒரு சிலர் ஒருவரது எல்லா சமூகவலைதளப் பக்கங்களுக்கும் சென்று ஒரே வாழ்த்தைப் பதிவு செய்து விடுகின்றனர்.
அவர்களுக்குப் பதிலுக்கு நாம் வாழ்த்து தெரிவிக்கவில்லை என்றால், உடனே கோபித்துக் கொண்டு நம்மை பிளாக் செய்து விடுவார்கள் அல்லது குரூப்பில் இருந்து வெளிநடப்பு செய்து விடுவார்கள். அதிலும் ஒரு சிலரின் வாழ்த்தெல்லாம், 'அட இவரு நம்பர்லாம் இன்னும் நம்மகிட்ட இருக்கானு' நம்மை ஆச்சர்யப்படுத்தும். இன்னும் ஒரு சிலரின் வாழ்த்தோ, 'இவரு யாருனே தெரியலையே.. கரெக்ட்டா தீபாவளி, பொங்கலுக்கு மட்டும் நமக்கு வாழ்த்து அனுப்பிடுறாரே' என குழம்ப வைக்கும்.
எது எப்படியோ, பண்டிகை நாட்களில் இப்படி சமூகவலைதளப் பக்கங்களில் வாழ்த்து தெரிவிப்பவர்களுக்கு, பதில் வாழ்த்து தெரிவிப்பதற்கென்றே தனியாக நேரம் ஒதுக்கியாக வேண்டும். இப்படிப்பட்ட வாழ்த்துகளை வைத்து நகைச்சுவையான மீம்ஸ்களாக்கி இருக்கின்றனர் நெட்டிசன்கள்.
இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான தீபாவளி வாழ்த்து மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google