சின்னவயசுல ஒழுங்காதான இருந்த.. இப்ப எதுக்கு இப்டி கொட்டுற.. அசிங்கப்படுத்துறியா என்ன?

சென்னை: முடி கொட்டும் பிரச்சினையை வைத்து மீம்ஸ் போட்டு புலம்பி வருகின்றனர் நெட்டிசன்கள்.

ஒவ்வொருவருக்கும் தலைக்கு மேல் ஆயிரம் பிரச்சினைகள். ஆனால் அந்த ஆயிரத்தில் பெரும்பாலானோருக்கு ஒத்துப் போகும் ஒரே பிரச்சினை முடி கொட்டுவது. 'இருக்கும் போது அருமை தெரியாது.. இல்லாதபோதுதான் அருமை புரியும்'.. என்பது மனிதர்களுக்குப் பொருந்துகிறதோ இல்லையோ, முடிக்கு கனக்கச்சிதமாகப் பொருந்தும்.

முடி இருக்கும் இளமைக் காலத்தில் அதனைக் கவனிக்காதவர்கள்கூட, வயதாக வயதாக முடி கொட்டுகிறதே எனக் கவலைப்பட ஆரம்பித்து விடுவார்கள். முடி என்பது மனிதர்களின் அழகு சார்ந்தது இல்லையென்றாலும், என்னவோ அதன்மீது அப்படி ஒரு ஈர்ப்பு தவிர்க்க முடியாததாகி விடுகிறது.

அதிலும் சமீபகாலமாக மன அழுத்தம், தூக்கமின்மை, உணவுப்பழக்க வழக்க மாற்றம் என முடி கொட்டுவதற்கான காரணங்கள் மேலும் அதிகரித்துள்ளது. கவலைப்படுவதால் முடி கொட்டுவது அதிகமாகி, ஒரு கட்டத்தில் முடி கொட்டுகிறதே எனக் கவலைப்பட ஆரம்பித்து விடுகின்றனர் மக்கள்.

இப்படியாக மனிதர்களின் மனதில் மாபெரும் பிரச்சினையாகக் குடி கொண்டிருக்கும் முடி கொட்டுவதை வைத்து மீம்ஸ் போடாவிட்டால், நன்றாக இருக்குமா? இதோ சமூகவலைதளங்களில் அதிகம் பகிரப்பட்டு வரும் சில நகைச்சுவையான மீம்ஸ்களின் தொகுப்பு உங்களுக்காக...

English summary

These are some jolly memes collection on hair fall.