ஐயர் குறிக்கிறதெல்லாம் மணமேடை வரைக்கும்தான்.. அதுக்கு அப்புறம் ஒய்ப் கண்ட்ரோல்தான்!
சென்னை : மனைவியின் மகிமைகளை எல்லாம் மீம்ஸ்களாகப் பகிர்ந்து இணையத்தைக் கலகலக்க வைத்து வருகின்றனர் நம் நெட்டிசன்கள்.
மனைவிக்கு பயப்படுகிற மாதிரி நடிப்பதில் கணவர்களுக்கு என்னவோ அப்படி ஒரு சொல்ல முடியாத ஆனந்தம். அதனால்தான், அடிக்கடி மனைவி சொல்லே மந்திரம் என்ற ரேஞ்சுக்கு மீம்ஸ்களை அள்ளி இறைத்து விடுகின்றனர் சமூகவலைதளப் பக்கங்களில். அதுவும், மனைவிக்கு மரியாதை என்ற பெயரில் அவர்கள் பகிர்வதெல்லாம் வேற லெவல் மீம்ஸ்கள்தான்.
இப்போதும் அப்படித்தான், "வெயிட் தூக்கக்கூடாதுனு டாக்டர் சொன்னதுக்காக.. பெரிய வெங்காயம் வாங்காம, சின்ன வெங்காயம் வாங்குறதெல்லாம் டூமச்டி!" என மனைவிகள் கடைக்குச் சென்றால் தங்களையே பைகளைத் தூக்க வைக்கும் கொடுமையை மீம்ஸ் போட்டு புலம்பி வருகின்றனர்.
அதேபோல், 'நல்ல நேரம் முடியப் போகுது' என மணவறையில் ஐயர் சொல்வதை வைத்து, "ஐயர் குறிக்கிறதெல்லாம் மணமேடை வரைக்கும்தான்.. அதுக்கு அப்புறம் நல்ல நேரம், கெட்ட கேரம் எல்லாம் ஒய்ப் கண்ட்ரோல்லதான்!" என வீடுகளில் மனைவி எடுக்கும் முடிவுகளை வைத்துதான், பெரும்பாலான சமயங்களில் அது நல்ல நேரமா, இல்லையா என்பது முடிவாகிறது என்பதைக் குறிக்கும் வகையில் மீம்ஸ்களைப் பகிர்ந்து வருகின்றனர்.
இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக....
Click it and Unblock the Notifications
Sign in with Google